थप ग्राउन्ड क्लियरेन्स र फिचर सहित टाटा टियागो एनआरजीको नयाँ भेरिएन्ट आउने

टाटा मोटर्सले टियागो एनआरजी नयाँ भेरिएन्टको टिजर सार्वजनिक गरेको छ । नयाँ भेरिएन्ट एक्सटी भेरिएन्ट हुने अपेक्षा गरिएको छ । हाल बजारमा टियागो एनआरजीको टप स्पेक एक्सजेड मात्र उपलब्ध छ । टियागो एनआरजीको आगामी एक्सटी भेरिएन्ट टप–स्पेक भेरिएन्ट भन्दा धेरै किफायती र सस्तो पनि हुनेछ । सो एसयूभी आगामी हप्ता लन्च गर्ने अपेक्षा गरिएको छ ।

टियागोको एनआरजी भर्सनमा केही परिवर्तन गरिएको छ । यसमा थप बडी क्ल्याडिङ तथा रफ एन्ड टफ स्ट्यान्स दिइएको छ । यसको लम्बाई हालको मोडल भन्दा ३७ एमएम लामो छ । यसको फ्रन्ट र रियरमा अतिरिक्त बडी क्ल्याडिङ दिइएको छ ।

टाटा मोटर्सले पुरानो टियागो मोडलको तुलनामा एनआरजीको ग्राउन्ड क्लियरेन्स पनि बढाएको छ । अहिले यसको ग्राउण्ड क्लियरेन्स १८१ एमएम छ भने टियागोको ग्राउण्ड क्लियरेन्स १७० एमएम छ । टियागो एनआरजी एक्सटीको बारेमा थप जानकारी अझै खुलाइएको छैन ।

सो एसयूभीमा टियागो एक्सटीको जस्तै स्पेसिफिकेसन्स हुने अपेक्षा गरिएको छ । यद्यपि नयाँ भेरिएन्टमा बडी क्ल्याडिङ र ग्राउन्ड क्लियरेन्सका साथै टियागो एनआरजीमा रूफ रेल पनि समावेश गर्नेछ ।

नयाँ भेरिएन्टमा हालको मोडलमा जस्तै १.२ लिटर, नेचुरली एस्पिरेटेड, ३ सिलिन्डर पेट्रोल इन्जिन समावेश गर्नेछ, जसले अधिकतम ८४ बीएचपी पावर र ११३ एनएमको टर्क जेनेरेट गर्छ । यो ५ स्पिड म्यानुअल गियरबक्स वा ६ स्पिड एएमटीको साथ उपलब्ध छ । यसमा एएमटी गियरबक्स समावेश गर्ने वा नगर्ने कुनै जानकारी दिइएको छैन ।

भारतमा टियागो एनआरजीको मूल्य ६ लाख ८२ हजार एक्स शोरूम मूल्यबाट सुरु हुन्छ । एक्सटी भेरिएन्टको मूल्य यो भन्दा कम हुने अनुमान गरिएको छ ।