हाल सम्मकै सस्तो ईभी टाटा टियागो ईभीका यस्ता छन् ५ फिचर

टाटा मोटर्सले भारतमा अहिलेसम्मकै सबैभन्दा सस्तो इलेक्ट्रिक कार टियागो ईभी लन्च गरेको छ । यद्यपि हाल सो कारको १० हजार युनिट मात्र बुकिङको लागि खुल्ला गरिएको छ । सो कार ५ रङमा उपलब्ध छ ।

टाटा टियागो इलेक्ट्रिक कारको मूल्य ब्याट्री प्याक, चार्जिङ विकल्प र भेरिएन्टका आधारमा फरक छ । यसको प्रारम्भिक मूल्य ८ लाख ४९ हजार भारु र टप भेरियन्टको ११ लाख ७९ हजार भारु तोकिएको छ ।

कम्पनीले अक्टोबर १० देखि टियागो ईभी बुकिङ सुरु गर्नेछ, जबकि यसको डेलिभरी जनवरीबाट सुरु हुनेछ । साथै, हाल टाटा इलेक्ट्रिक कार ग्राहकहरुका लागि १० हजार युनिट मध्ये २ हजार युनिटको लागि बुकिङ खोलिएको छ ।

टाटा टियागो ईभीमा सामान्य र फास्ट चार्जिङको विकल्प दिइएको छ । ३.३ किलोवाटको सामान्य चार्जरबाट फुल चार्ज हुन ५ देखि ६.५ घण्टा लाग्छ र ७.२ किलोवाटको एसी फास्ट चार्जरबाट १० प्रतिशत देखि १०० प्रतिशत सम्म चार्ज हुन ३.६ घण्टा लाग्छ । डीसी फास्ट चार्जरबाट ५७ मिनेटमा १० प्रतिशत देखि ८० प्रतिशत सम्म चार्ज गर्न सकिन्छ । यसमा १५ एम्पीयर पोर्टेबल चार्जिङको विकल्प पनि दिइएको छ ।

टाटा टियागो ईभीमा ४५ कनेक्टेड कार फिचरको साथमा जेडकनेक्ट एपको कनेक्टिभिटी उपलब्ध छ । यसको मद्दतले रियल टाइम चार्ज स्टाटस, कारको लोकेशन र एसी अन÷अफ गर्न सकिन्छ ।

कारमा हिल स्टार्ट एण्ड डिसेन्ट असिस्ट, आई–टिपीएमएस, अटोमेटिक क्लाइमेट कन्ट्रोल, रेन सेन्सिङ वाइपर, अटोमेटिक हेडल्याम्प, पुस बटन स्टार्ट÷स्टप र क्रुज कन्ट्रोल जस्ता सेफ्टी फिचर उपलब्ध छ ।

टाटा टियागो ईभी लेटेस्ट जिपट्रोन प्लेटफर्ममा तयार गरिएको हो । यसको अगाडि २ वटा एयरब्याग दिइएको छ । आकस्मिक ब्रेकिङका कारण दुर्घटना हुनबाट बच्नका लागि ईबीडीको साथमा एबीएस सिस्टम जडान गरिएको छ । साथै पार्किङको लागि रिभर्स क्यामेरा पनि समावेश गरिएको छ ।