अटो शो–२०२३ मा ५०० बढी टाटा टियागो इभीको बुकिङ

काठमाडौं– नाडा अटो शो–२०२३ मा ५०० बढी टीयागो ईभी बिक्री बुक भएको छ । टाटा मोर्टसको नेपालका लागी आधिकारिक वितरक सिप्रदी ट्रेडिङ प्रालिले यही भदौ २६ गतेबाट ३१ गतेसम्म आयोजना भएको मेलामा यति धेरै टियागो ईभीको बुकिङ लिन सफल भएको हो । सुरुवाती मूल्य २२ लाख रुपैयाँ निर्धारण गरेर कम्पनीले यसको वुकिङ लिएको थियो ।

साथै मेलामा नै लन्च गरिएको टाटा नेक्सन इभी एक्स जेड प्लस र टाटा पन्चको बुकिङ्ग पनि उल्लेखनीय रहेको सिप्रदीका प्यासेन्जर भेहिकल बिजनेस युनिटका प्रमुख सावन्त जंग सिजापतिले बताए । उनले भने, ‘नाडा अटो शोमा जुन प्रकारको उत्साह सर्वसाधारण अटो पारखीले टाटा मोटर्सका गाडीहरुमा देखाउनुभयो, त्यसले हामीमा थप उर्जा थपिएको छ । साथै जुन हिसाबले टाटा मोटर्सका गाडीहरुप्रति चासो मात्र नभएर बुकिङ्ग पनि गरिदिनु भएको छ, त्यसले हामीले नेपाली जनताको चाहअनुसारको गाडीहरु ल्याउन सफल भएको महसुस गरेका छौ र भविष्यमा पनि बजारको माग अनुसारको गाडीहरु नेपालमा भित्रयाउने दृढ़ संकल्प लिएका छौ ।’

टाटाका गाडीहरु उत्कृष्ट बिशेषतायुक्त रहेको कम्पनीले जनाएको छ । अत्याधुनिक जिपट्रन प्रविधियुक्त टियागो इभीमा कार्य कुशलता, प्रविधि, विश्वास, चार्जिङ्ग र आरामदायीता जस्ता पाँचवटा मुख्य बिशेषताहरु रहेका छन । यो नयाँ ईभीमा क्रुज कन्ट्रोल, अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प लगायत बिशेषताहरु रहेका छन् ।

यस्तै, अर्को गाडी नेक्सन इभी एक्स जेट प्लस को ब्याट्री क्षमता ४०.५ किलोवाट र रेञ्ज ४५३ किलोमिटर रहेको छ । आरामको लागि यसमा पावर विन्डो र पूर्ण स्वचालित क्लाइमेट कन्ट्रोल लगायत अन्य विशेषताहरु पाउन सकिन्छ । नेक्सन इभी एक्स जेट प्लसले अन्य भन्दा उत्कृष्ट सुरक्षाको प्रत्याभूति गर्ने कम्पनीले दावी गरेको छ । सुरक्षाको लागि यसमा एन्टी–लक ब्रेकिङ्ग सिस्टम, चाइल्ड सेफ्टी लक, ट्रयाक्सन जस्ता फिचरहरु छन् ।