टाटा सुमो पनि ईभी भर्सनमा आउने

काठमाडौं– इलेक्ट्रिक कार उत्पादनमा आक्रमक देखिएको टाटा मोटर्सले सूमोलाई पनि ईभी भर्सनमा उतार्ने भएको छ । सूमो सहित टाटाले अन्य कमर्सियल भेइकललाई पनि ईभी भर्सनमा ल्याउने तयारी तिब्र बनाइरहेको छ ।

नेपालको यातायात क्षेत्रमा लोकप्रिय वनेको सूमो गोल्ड हाल पनि देशका विभन्नि रुटमा चलिरहेका छन् । केही वर्षयता उत्पादन बन्द हुँदै आएको सूमोलाई टाटा मोटर्सले अव भने ईलेक्ट्रिक अवतारमा उतार्ने भएको हो ।

सूमो ईभीलाई टाटाले आफ्नो निकट भविष्यमा आउने तयारी भइरहेको ह्यारियर र सफारी ईभीमा जस्तै ठूलो आकारको टचस्क्रिन सहितको इन्फोटेनमेन्ट सिस्टम, पूर्णडिजिटल इन्ट्रुमेन्ट कन्सोल र टाटाको नयाँ टू–स्पोक स्टेरिङ ह्वील दिन सक्ने आँकलन गरिएको छ ।

सुमो ईभीले एक पटकको फुल चार्जमा ४ सयदेखि ५ सय किलोमिटर रेन्ज दिने दाबी गरिए पनि यसमा कुन साइजको ब्याट्री र कति क्षमताको मोटर जडान हुनेछ भन्ने विषयमा कम्पनीले कुनै जानकारी वाहिर ल्याइसकेको छैन ।