नेपाली बजारमा टाटा ईभीको लोकप्रियता, सिएरा ईभीले कस्तो पार्ला प्रभाव ?

काठमाडौं– नेपालको अटोमोबाइल बजारमा इलेक्ट्रिक सवारी साधन (ईभी) को लहर तीव्र रूपमा अघि बढिरहेको छ । भन्सार विभागको पछिल्लो तथ्यांक र बजारको मागलाई हेर्दा नेपालमा ईभी आयात र दर्ताको संख्यामा उत्साहजनक वृद्धि भइरहेको देखिन्छ । यसै सन्दर्भमा, भारतको प्रतिष्ठित अटोमोबाइल ब्रान्ड टाटा मोटर्स र यसको नेपालका लागि आधिकारिक वितरक सिप्रदी ट्रेडिङ प्रालिले नेपाली ईभी बजारमा राम्रो पकड जमाउन सफल भएका छन् ।

टाटाले नेपाली उपभोक्ताको आवश्यकता र बजेट सुहाउँदो विभिन्न सेग्मेन्टमा गाडीहरू उपलब्ध गराएकै कारण यसको लोकप्रियता चुलिएको हो ।

बजारमा बलियो पकड
नेपाली बजारमा टाटाका मुख्य पाँचवटा इलेक्ट्रिक मोडलहरू गुडिरहेका छन् । इन्ट्री–लेभलदेखि प्रिमियम एसयूभीसम्म टाटाको बलियो उपस्थिति छ । सस्तो मूल्य, सहरी क्षेत्रका लागि उपयुक्त आकार र राम्रो रेन्जका कारण टियागो ईभी मध्यमवर्गीय परिवार र पहिलो पटक गाडी किन्नेहरूका लागि पहिलो रोजाइ बनेको छ ।

त्यसैगरी, स्टाइलिस लुक्स र उच्च ग्राउन्ड क्लियरेन्स मन पराउनेहरूका लागि पन्च ईभी नेपालमा निकै लोकप्रिय भइरहेको छ भने नेपाली सडकमा ईभीको क्रान्ति ल्याउने श्रेय पाएको नेक्सन ईभीले आफ्नो परिमार्जित ब्याट्री क्षमता (४५ किलोवाट आवर) का साथ बजारमा बलियो प्रतिस्पर्धा गरिरहेको छ ।

कुपे डिजाइनमा आधारित प्रिमियम मोडल कर्भ ईभीले स्टाइल र प्रविधि रुचाउने ग्राहकहरूलाई आकर्षित गरिरहेको छ । साथै, नेपालको सार्वजनिक यातायात र विशेष गरी इलेक्ट्रिक ट्याक्सी तथा फ्लिट सेग्मेन्टमा एक्सप्रेस–टीको माग अत्यधिक छ ।

देशव्यापी रूपमा फैलिएको सिप्रदीको शाेरुम, फराकिलो चार्जिङ नेटवर्क र भरपर्दो ‘आफ्टर सेल्स सपोर्ट’ का कारण टाटा नेपालमा सबैभन्दा बढी विश्वासिलो ईभी ब्रान्ड बन्न सफल भएको हो ।

कस्तो रहला टाटा सिएरा ईभीको प्रभाव ?
टाटा मोटर्सले भर्खरै मात्र अन्तर्राष्ट्रिय बजारमा आफ्नो बहुप्रतीक्षित र लेजेन्ड्री नाम ‘सिएरा ईभी’ सार्वजनिक गरिसकेको छ । नेपाली बजारमा पनि आगामी नाडा अर्थात नाइमा अटो शोमा सिएरा ईभी भित्र्याउने तयारी भइरहेको बुझिएको छ । ५० लाखदेखि ७० लाख रुपैयाँसम्मको मूल्य दायरामा आउने अनुमान गरिएको यो एसयूभीले नेपाली ईभी बजारमा ठूलो हलचल ल्याउने निश्चित छ ।

अन्तर्राष्ट्रिय बजारमा सिएरा ईभी ६३ किलोवाट आवर र ७५ किलोवाट आवरजस्ता ठूला ब्याट्री प्याकहरूमा उपलब्ध छ, जसले वास्तविक सडकमा ५०० किलोमिटरभन्दा बढीको रेन्ज दिने बताइएको छ । नेपालका लामो दूरीका सडक तथा पहाडी भेगमा यात्रा गर्नका लागि यो रेन्ज गेम–चेन्जर साबित हुनेछ ।

यसमा एड्भान्स ड्राइभर असिस्टेन्स सिस्टम (एडास लेभल–२), थ्री–स्क्रिन सेटअप, डल्बी एट्मस सहितको जेबीएल साउन्ड सिस्टम, अल–ह्विल ड्राइभ अप्सन र भेइकल–टु–लोड चार्जिङ जस्ता सुविधाहरू छन् । यसले नेपालमा लक्जरी र प्रिमियम एसयूभी खोज्ने ग्राहकहरूको आवश्यकता पूरा गर्ने देखिन्छ ।