टाटा पन्चको बिक्री ७ लाख युनिट नाघ्यो, सबैभन्दा छिटो बिक्री हुने मोडलका रुपमा स्थापित

टाटा मोटर्सको सर्बाधिक लोकप्रिय सव–कम्प्याक्ट एसयुभी पन्च ७ लाख युनिटभन्दा बढी बिक्री भएको छ । ४ वर्षको छोटो अवधीमै टाटाले पन्चको बिक्री ७ लाख युनिट नघाएको हो ।

टाटा मोटर्सका अनुसार, पन्च भारतमा ७ लाख युनिटको आँकडा पार गर्ने सबैभन्दा छिटो बिक्री हुने मोडेल बनेको छ । जनवरी २०२५ मा ५ लाख बिक्रीको माइलस्टोन हासिल गरेको यस एसयुभीले पछिल्लो १२ महिनामा थप २ लाख युनिट बिक्री पाएको हो ।

टाटाले यस वर्ष जनवरीमा पन्च फेसलिफ्ट सार्वजनिक गरेको थियो ।सबकम्प्याक्ट एसयूभीको फिचर र लुक्समा ब्यापक अपडेट गरिएको छ । फेसलिफ्ट भर्सनको मूल्य ५ लाख ५९ हजार भारु निर्धारण गरिएको छ ।

पन्च १.२ लिटर प्राकृतिक रूपमा एस्पिरेटेड पेट्रोल इन्जिन, १.२ लिटर टर्बो पेट्रोल, सिएनजी र ईभी भर्सनमा उपलब्ध रहँदै आएको छ । नेपाली बजारमा भने यसको ईभी भर्सन लोकप्रिय बनिरहेको छ ।