६ भेरिएन्टमा लन्च भयो टाटा पन्च फेसलिफ्ट, यस्तो छ मूल्य र फिचर

टाटा मोटर्सले आफ्नो सर्बाधिक लोकिप्रय एसयूभी पन्चको फेसलिफ्ट लन्च गरेको छ । पन्च फेसलिफ्ट ६ भेरिएन्टमा उपलब्ध हुने र सुरुवाती मूल्य ५ लाख ५९ हजार भारु निर्धारण गरिएको कम्पनीले जनाएको छ । सबैभन्दा महंगो भेरिएन्टको मूल्य ८ लाख ९९ हजार भारु निर्धारण गरिएको छ ।

पावरट्रेनको कुरा गर्नुपर्दा पन्च अब १.२ लिटर टर्बो पेट्रोल इन्जिनमा समेत उपलब्ध हुने जनाइएको छ । नेक्सन एसयूभीमा समेत जडान गरिएको उक्त इन्जिनले ११८ बिएचपी पावर र १७० एनएम टर्क जेनेरेट गर्दछ ।

पन्च फेसलिफ्टको तल्लो भेरियन्टमा भने टाटा मोटर्सले १.२ लिटर, प्राकृतिक रूपमा एस्पिरेटेड पेट्रोल इन्जिन दिएको छ, जसले ८७ बिएचपी पावर र ११५ एनएम टर्क जेनेरेट गर्दछ । साथै, यसको सिएनजी संस्करणको अधिकतम आउटपुट ७२ बिएपची र १०३ एनएम छ । पन्च फेसलिफ्ट मार्फत टाटाले पहिलोपटक सिएनजी पावरट्रेनमा समेत एएमटी विकल्प प्रदान गरेको छ ।

टाटा मोटर्सले पन्चलाई ठूलो मात्रामा कस्मेटिक ओभरहाल गरेको छ । सब–कम्प्याक्ट एसयूभीमा कालो स्ट्रिप र ठाडो रूपमा स्ट्याक्ड हेडल्याम्प पोडसहितको कनेक्टेड स्लिक एलईडी डीआरएल सहितको शार्प फ्रन्ट फेसिया राखिएको छ । अगाडिको बम्पर समेत पुनः डिजाइन गरिएको छ भने एयर ड्याम वरिपरि सिल्भर इन्सर्ट राखिएको छ ।

साथै, सो नयाँ कारमा ग्लस ब्ल्याक स्ट्रिपका साथ पूर्ण–चौडाइको एलईडी लाइट बारद्वारा जोडिएको एलईडी टेललाइट दिइएको छ । पछाडिको बम्परमा पनि री–वर्क गरिएको छ ।

इन्टेरियरको कुरा गर्नपर्दा कामा टु–स्पोक स्टेयरिङ ह्वील र नयाँ डिजिटल इन्स्ट्रुमेन्ट क्लस्टर राखिएको छ । डुअल टोन ड्यासबोर्डमा सजाइएको यस कारमा क्लाइमेट कन्ट्रोल मोड्युल र वायरलेस एप्पल कारप्ले तथा एन्ड्रोइड अटोको साथ फ्री–स्ट्यान्डिङ १०.२५ इन्च टचस्क्रिन इन्फोटेनमेन्ट प्रणाली, रियर एसी भेन्ट, क्रूज कन्ट्रोल, स्वचालित हेडल्याम्प, रेन–सेन्सिङ वाइपर, ७ इन्च डिजिटल इन्स्ट्रुमेन्ट क्लस्टर, र ८ स्पिकर हर्मन साउन्ड सिस्टम दिइएको छ ।

भारत एनक्यापद्वारा ५ स्टार रेटिङ प्रदान गरिएको पन्चमा ६ वटा एयरब्याग, रियर पार्किङ सेन्सर, ३६० डिग्री क्यामेरा, अटो डिमिङ आईआरभिएम, टायर प्रेसर मनिटरिङ सिस्टम, हिल होल्ड र डिसेन्ट कन्ट्रोल लगायत सेफ्टि फिचर पाउन सकिन्छ ।