पन्च ईभीको भारतमा वुकिङ खुला, यस्ता छन् विशेषता

टाटा मोटर्सले आफ्नो लोकप्रिय माइक्रो एसयूभी पन्चको ईभी भर्सनलाई भारतमा बुकिङ खुला गरेको छ । दुई ब्याट्री अप्सनमा उपलब्ध हुने सो ईभी स्मार्ट, स्मार्ट प्लस, इड्भेन्चर, इम्पावर्ड र इम्पावर्ड प्लस गरी कुल ५ ट्रिममा सार्बजनिक भएको हो । यसकौ औपचारिक लन्च भने अवको केही समयपछि हुने जनाइएको छ ।

पन्च ईभीमा टाटाले नेक्सनमा जस्तै दुई ब्याट्री अप्सन दिन लागेको समचार यसअघि नै वाहिर आइसकेको छ । सो नयाँ ईभीमा २५ र ३५ किलोवाट आवरको ब्याट्री प्याक जडान हुनेछ भने मोटर क्षमताका बारेमा कम्पनी मौन देखिएको छ । सम्भवत यसमा ७० देखी ८० किलोवाट आवरसम्मको मोटर जडान हुनसक्ने आँकलन गरिएको छ ।

टाटाको जेन २ ईभी आर्किटेक्चसंगै अल्फा प्लेटफर्मममा तयार भएको पन्च ईभीमा लिक्वड कुल्ड ब्याट्री संगै पिएमएस मोटर जडान गरिएको छ । यसमा फ्रन्ट ह्विल ड्राइभ सिस्टम रहेको छ । कम्पनीले यसमा भेन्टिलेटेड फ्रन्ट सिट समेत दिएको छ । यससंगै पन्च यस्तो फिचर उपलब्ध हुने सबैभन्दा सस्तो ईभी बनेको छ । साथै यसमा ३६० डिग्री क्यामेरा समेत पाउन सकिन्छ ।

सो नयाँ ईभीमा १०.२५ इन्चको टचस्क्रिन, ह्यारियर र सफारी एसयूभीमा जस्तै टु स्पोक स्टेरिङ ह्विल, अटो होल्ड सहितको इलेक्ट्रोनिक पार्किङ ब्रेक, ब्लाइन्ड भ्यू मिरर, अटोमेटिक क्लाइमेट कन्ट्रोल, सनरुफ, वायरलेस फोन चार्जर, पुस बटन स्टार्ट÷स्टप सहितको किलेस इन्ट्रि र हर्मन साउन्ड सिस्टम लायत फिचर दिइएको छ ।

१२ लाख भारु हाराहारीमा लन्च हुने अनुमान लगाइएको सो ईभीले भारतमा सिट्रोन ई–सी३ र टाटाकै टिगोर ईभीसंग प्रतिस्पर्धा गर्ने अनुमान गरिएको छ ।