नेक्सनको यी १० उत्कृष्ट फिचर पन्च ईभीमा पनि पाइने

टाटा मोटर्सले ३ दिनपछि लन्च गर्न लागेको पन्च ईभी अहिले भारत र नेपाल दुबै राष्ट्रका ईभी प्रेमीमाझ सर्बाधिक चर्चाको विषय वनिरहेको छ । यसै महिनाको १७ तारिखमा लन्च हुन लागेको सो नयाँ इलेक्ट्रिक माइक्रो एसयूभीका वारेमा अहिले विभिन्न जानकारीहरु वाहिर आइरहेका छन् ।

पछिल्लो समय कम्पनीले यसमा उपलब्ध केही महत्वपूर्ण फिचरलाई बाहिर ल्याएको छ । जसअनुसार पन्च ईभीमा टाटाकै नेक्नस ईभीबाट १० उत्कृष्ट फिचर लिइएको तथ्य वाहिर आएको हो । यो नयाँ ईभीमा टाटा मोटर्सले १०.२५ इन्चको टचस्क्रिन र १०.२५ इन्चकै डिजिटल डिस्प्ले दिएको छ । रेगुलर पन्चमा कम्पनीले ७ इन्चको टचस्क्रिन इन्फोटेन्मेन्ट दिएको थियो ।

यसैगरी नेक्सन ईभीमा समेत उपलब्ध ३६० डिग्री क्यामेरा, वायरलेस फोन चार्जर, भेन्टिलेटेड फ्रन्ट सीट, अटो होल्ड सहितको इलेक्ट्रोनिक पार्किङ ब्रेक, भेइकल–टु–लोड र ६ वटा एयरब्याग समेत यसमा पाउन सकिनेछ । साथै यसमा कनेक्टेड डीआरएलएस सहितको प्रोजेक्टर एलइडी हेडल्याम्प र एयर प्युरीफायर लगायत फिचर समेत नेक्सन ईभीबाटै लिइएको हो ।