५ लाख युनिट उत्पादन भयो टाटाको सब–कम्प्याक्ट एसयूभी नेक्सन

टाटाको सब–कम्प्याक्ट एसयूभी नेक्सन ५ लाख युनिट उत्पादन भएर नयाँ रेकर्ड कायम गरेको छ । एसयूभी सेगमेन्टको एक पावर प्लेयर रहेको नेक्सन धेरै वर्ष सम्म बेस्ट सेलर बनेको छ ।

सो अवसरमा टाटा मोटर्सले आफ्नो सोसल मिडिया ह्यान्डलमा खुसी व्यक्त गरेको छ ।

सब–कम्प्याक्ट एसयूभी टाटा नेक्सन पहिलो पटक सन् २०१४ को अटो एक्सपोमा प्रोटोटाइपको रुपमा सार्वजनिक भएको थियो । यद्यपि यसलाई आधिकारिक रुपमा भने २०१७ मा लन्च गरिएको थियो । त्यतिबेला भारतमा यसको मूल्य ५ लाख ८५ हजार देखि ९ लाख ४५ हजार भारु तोकिएको थियो । कम मूल्य, आकर्षक लुक र सानदार फिचरका कारण यो अन्य कारलाई टक्कर दिन सफल भएको थियो ।

नेपाली बजारमा भने यो कार सन् २०१८ फेब्रुअरीमा भित्रिएको थियो । त्यतिबेला यसको मूल्य भेरिएन्ट अनुसार ३३ लाख देखि ४६ लाख रुपैयाँ सम्म थियो ।

हाल नेपाली बजारमा टाटा नेक्सनको मूल्य भेरिएन्ट अनुसार ४३ लाख ९९ हजार देखि ५९ लाख ४९ हजार रुपैयाँ सम्म छ ।

टाटा नेक्सन डिजेल र पेट्रोल दुवै इन्जिन विकल्पमा उपलब्ध छ । यसमा भएको १.२ लिटर टर्बोचार्ज्ड पेट्रोल इन्जिनले ११८ बीएचपी पावर र १७० एनएम टर्क जेनेरेट गर्छ भने अर्को १.५ लिटर डिजेल इन्जिनले १०८ बीएचपी पावर र २६० एनएम टर्क जेनेरेट गर्छ ।

यमसा व्यवस्थित ड्यासबोर्ड लेआउट छ भने प्रिमियम मल्टिमिडिया र क्रुज कन्ट्रोल बटन सहितो नयाँ स्टेयरिङ ह्विल छ । यसको पछाडि डिजिटल इन्स्ट्रयुमेन्ट क्लस्टरका साथ ७ इन्चको टचस्क्रिन इन्फोटेनमेन्ट सिस्टम छ । सो एसयूभीको फुल अप्सन मोडलमा सनरुफ सहित धेरै फिचर उपलब्ध छन् ।