टाटा मोटर्सको ‘ह्याप्पीनेस विकेन्ड’ प्रारम्भ, जुनसुकै ब्रान्डका पुराना गाडीसँग ईभी साट्न सकिने

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ इन्टरप्राइजेजले विशेष एक्सचेन्ज क्याम्पको रुपमा ‘ह्याप्पीनेस विकेन्ड’ शुरु गरेको छ । आज देखि शुरु भएको सो क्याम्प आइतबार सम्म चल्ने छ ।

काठमाडौं स्थित सिप्रदी तथा सिप्रदीका आधिकारिक टाटा मोटर्स शोरुमहरूमा सो क्याम्प आयोजना हुनेछ । क्याम्पमा आएर टेस्ट ड्राइभ, आफ्नो पुरानो गाडीको मूल्याङ्कन र नयाँ गाडीको बुकिङ गराउँदा ग्राहकले हात खाली नजाने आकर्षक गिफ्ट समेत पाउने कम्पनीले जनाएको छ ।

एक्सचेन्ज क्याम्पमा जुनसुकै कम्पनी अथवा ब्रान्डको गाडी टाटा मोटर्सका सर्वाधिक रुचाइएका नयाँ २०२३ मोडेलका नेक्सन ईभी तथा टिगोर ईभीसँग साट्न सकिने व्यवस्था मिलाइएको छ । ग्राहकको सहजताका लागि शोरुममै बैंकिंग सुविधा, इन्स्योरेन्स सुविधाका साथै गाडी मूल्याङ्कन गर्न विभिन्न दक्ष मुल्यांकनकर्ताहरुको पनि सहभागिता हुनेछ ।

उक्त एक्सचेन्ज क्याम्पमा पेट्रोल तथा डिजेलबाट चल्ने सवारी साधनलाई बजारले अत्यधिक रुचाएको टाटा मोटर्सका विद्युतीय सवारीसँग साट्न मिल्ने गरी एउटै शोरुमबाट व्यवस्था गरिएको छ । 

चलिरहेको बजारको मूल्यभन्दा गाडीको विशेष मूल्याङ्कन, सरल फाइनान्सको सुविधा, इन्स्योरेन्सको सुविधाका साथै हरेक गाडी हस्तान्तरणमा निःशुल्क गाडीका लागि उपयुक्त पार्टपुर्जा पनि पाइनेछ।