टाटा नेक्सन, अल्ट्रोज, पन्च, टियागो र टिगोरको बढ्यो माइलेज

टाटा मोटर्सले आफ्ना कारहरु अपडेट गरेको छ र यसको कारण मूल्य पनि बढ्नेछ । कम्पनीले आफ्ना सवारीसाधनलाई बीएस६ फेज २ अनुसार अपडेट गरेको छ जसका कारण यसको माइलेज पनि बढेको छ ।

कम्पनीको नेक्सन, अल्ट्रोज, पन्च, टियागो र टिगोरको माइलेज बढेको छ । सो कारको माइलेज ०.६० किलोमिटर प्रतिलिटरबाट बढेर २.४० किलोमिटर प्रतिलिटर पुगेको छ । यो वृद्धि सीएनजी भेरिएन्टमा पनि हुनेछ ।

टाटा टिगोरको माइलेज ०.६० किमी प्रतिलिटर, अल्ट्रोजको ०.७० किमी प्रतिलिटर, नेक्सन पेट्रोलमा ०.७५ किमी प्रतिलिटर, टियागोमा १ किमी प्रतिलिटर र पन्चमा १.१३ किमी प्रतिलिटर बढेको छ । पन्च र अल्ट्रोजको लो–इन्ड ड्राइभबिलिटी पनि सुधार भएको छ ।

टाटाको टिगोर, टियागो, पन्च र अल्ट्रोजमा १.२ लिटर पेट्रोल इन्जिन जडान गरिएको छ जसले ८८ बीएचपीको पावर दिन्छ । सो कारमा ५ स्पिड म्यानुअल गियरबक्स दिइएको छ । साथै अल्ट्रोजमा ६ स्पिड डीसीए पनि दिइएको छ ।

बाँकी तीन कारमा ५ स्पिड एएमटीको विकल्प छ । अल्ट्रोजमा १.२ लिटर टर्बो–पेट्रोल इन्जिनको विकल्प पनि छ जसले ११० बीएचपीको पावर जेनेरेट गर्छ । नेक्सनमा १.२ लिटर टर्बो पेट्रोल इन्जिनको विकल्प छ ।

अल्ट्रोजको डिजेल भेरिएन्टको माइलेज ०.६० किमी प्रतिलिटरले बढेको छ । नेक्सन डिजेल म्यानुअलको माइलेज २.१० किमी प्रतिलिटरले बढेको छ । नेक्सन डिजेल एएमटीमा २.४० किमी प्रतिलिटर माइलेज वृद्धि भएको छ ।