७५ किलोवाट क्षमताको ब्याट्री प्याक सहित टाटाले ह्यारियर ईभी ल्याउँदै

टाटा मोटर्सले टाटा ह्यारियरको ईभी लन्च गर्ने तयारी गरिरहेको छ । ह्यारियर ईभीको डिजाइन लगभग इन्टरनल कम्बसन इन्जिन संस्करण जस्तै हुनेछ । यसमा ७५ किलोवाट क्षमताको ब्याट्री प्याक उपलब्ध छ ।

रिपोर्टका अनुसार नयाँ ह्यारियर ईभीमा ड्युअल मोटर हुनेछ, जसले इलेक्ट्रिक अल ह्विल ड्राइभ सिस्टमलाई पावर प्रदान गर्नेछ । यसमा स्लिक एलईडी डीआरएलको साथमा क्लोज्ड अफ ग्रिल समावेश गर्नेछ । यसमा हेडल्याम्प ह्यारियरको आईसीई संस्करण जस्तै राखिनेछ । यद्यपि यसको बम्पर केही फरक हुनेछ । यसको रियर डिजाइन पनि आईसीई संस्करण जस्तै हुनेछ ।

नयाँ ह्यारियर ईभीमा १९ इन्चको अलोय ह्विल हुनेछ । ह्यारियर ईभी २०२५ भारत मोबिलिटी ग्लोबल एक्सपोमा प्रस्तुत गर्ने सम्भावना छ । यद्यपि कम्पनीले यसको लन्चको पुष्टि गरेको छैन । यसले हुन्डाईको आगामी क्रेटा इलेक्ट्रिक, महिन्द्रा एक्सईभी ९ई, सुजुकी इलेक्ट्रिक भिटारा र टोयोटा अर्बन क्रुजरसँग प्रतिस्पर्धा गर्नेछ ।  

नयाँ ह्यारियर ईभी इलेक्ट्रोनिक एडब्ल्यूडी सिस्टम भएको ट्विन इलेक्ट्रिक मोटर्सले सुसज्जित हुनेछ जसले फुल चार्जमा ५०० किलोमिटर रेन्ज दिने कम्पनीको दाबी छ । रिपोर्टका अनुसार टाटा ह्यारियर ईभीको उत्पादन सुरु भइसकेको छ ।

यसको एक्टेरियरमा शट अटो टाइम नेटवर्क ग्रिल, न्यू हेल्याम्प र एलईडी डे रनिङ लाइट, एयरो-स्टाइलको अलोय व्हिल र आईसी भेरिएन्ट भन्दा फरक एलईडी टेलल्याम्प समावेश हुनेछ । यसको लो र मिड-स्पेक भेरिएन्टमा ६० किलोवाट क्षमताको ब्याट्री प्याक समावेश हुनेछ र यसमा डीसी फास्ट चार्जिङको सुविधा पनि उपलब्ध हुनेछ।