टाटा ह्यारियर ईभीले पायो क्र्यास टेष्टमा ५ स्टार रेटिङ

भारतिय बजारमा हालै लन्च गरिएको टाटाको नयाँ ईभी ह्यारियले क्र्यास टेष्टमा उत्कृष्ट नतिजा हात पारेको छ । भारत एनक्यापले हालै सम्पन्न गरेको सो परिक्षणमा ह्यारियले ५ स्टार रेटिङ पाएको हो ।

सो ईभीले एडल्ट प्यासेन्जर सेफ्टिका लागि ३२ मा ३२ नै अंक र चाइल्ड प्यासेन्जर सेफ्टिका लागी ४९ मा ४५ अंक प्राप्त गरेको छ ।

क्र्यास टेष्ट रिपोर्ट अनुसार, ह्यारियर ईभीले फ्रन्टल अफसेट ब्यारियर परीक्षणमा चालक र प्यासेन्जरलाई राम्रो सुरक्षा प्रदान गरेको थियो । ईभीले साइड मुभेबल ब्यारियर र साइड पोल इम्प्याक्ट परीक्षणहरूमा पनि प्यासेन्जरलाई राम्रो सुरक्षा प्रदान गरेको दाबी गरिएको छ ।

उक्त परिक्षणका लागि भारत एनक्यापले ह्यारियर ईभीका दुई भेरियन्ट इम्पावर्ड ७५ र इम्पावर्ड ७५ अल ह्विल ड्राइभलाई प्रयोगमा ल्याएको थियो ।

यी भेरिएन्टमा फ्रन्ट एयरब्याग, साइड हेड कर्टेन एयरब्याग र साइड चेस्ट एयरब्याग राखिएको छ । साथै, ईभीमा सिट बेल्ट प्रिटेन्सनर र लोड–लिमिटर, सिट बेल्ट रिमाइन्डर र ईएससी जस्ता सेफ्टि फिचर समेत पाउन सकिन्छ ।