टाटा ग्रुपले टेस्लालाई कम्पोनेन्ट सप्लाई गर्ने

टेस्ला ईभीका लागी आवश्यक कम्पोनेन्टको विश्वव्यापी आपूर्तिकर्ता बन्न टाटा ग्रुपले टेस्लासँग साझेदारी गरेको छ ।
भारतीय बजारमा प्रवेश गर्ने तयारी गर्दै गर्दा टेस्लाले टाटसंग यस्तो सम्झौता गरेको हो ।

टाटा अटोकम्प, टाटा कन्सल्टेन्सी सर्भिसेज, टाटा टेक्नोलोजी र टाटा इलेक्ट्रोनिक्स जस्ता टाटा समूहका कम्पनीहरू यसका प्रमुख साझेदार रहने सम्झौतामा उल्लेख गरिएको छ ।

मिडिया रिपोर्टका अनुसार, टेस्लाका कार्यकारीहरूले अहिले भारतका प्रमुख कम्पोेन्ट उत्पादकसंग भेट गरेका छन् र कास्टिङ, फोर्जिङ, इलेक्ट्रोनिक्स र निर्माण वस्तुहरूको सम्भावित विकास र निर्माणको बारेमा छलफल गरेका छन् ।

एक दर्जन भन्दा बढी भारतीय कम्पनीहरूले पहिले नै अमेरिकी ईभी निर्मातालाई महत्वपूर्ण कम्पोनेन्टहरू आपूर्ति गर्दै आएकोमा पछिल्लो समय टाटा ग्रुपसमेत यसमा सामेल भएको हो ।

टेस्लाले भारतमा प्लान्ट स्थापना गर्न राजस्थान, गुजरात, तमिलनाडु, महाराष्ट्र र तेलंगाना सरकारसंग छलफल गरिरहेको छ ।