टाटा कारमा अव ३ वर्ष अर्थात १ लाख किलोमिटर वारेन्टि, सवै कार विएस६ फेज २ इन्जिनमा

टाटा मोटर्सले प्यासेन्जर कारको लाइनअपमा उपलब्ध आफ्ना सवै पेट्रोल कारलाई विएस६ फेज २ इन्जिन दिएको छ । ‘रियल ड्राइभिङ इमिसन’ नम्र्स समेत भनिने यो मापदन्डलाई अप्रिलदेखी अनिवार्य लागु गर्नुपर्ने भएसंगै टाटाले आफ्नो सवै कारमा नयाँ इन्जिन दिएको हो ।

नयाँ इन्जिनसंगै केही मोडलमा उसले फिचर समेत थप गरेको छ । डिजेल सेग्मेन्टमा भने कम्पनीले यसअघि नै ह्यारियर र सफारीमा यो नयाँ इन्जिन दिइसकेको छ भने अन्य मोडललाई पनि छिट्टै नयाँ मपदन्डका साथ उतार्ने योजना वनाएको छ ।

नयाँ इन्जिनको अलवा अल्ट्रोज र पन्चमा इन्जिन स्टार्ट÷स्टप फिचर थप भएको छ । यो फिचर थप भएसंगै कारको माइलेजमा सुधार आउने विश्वास लिइएको छ । यसैगरी टियागो र टिगोरमा टायर प्रेसर मोनिटरिङ सिस्टम थप भएको छ ।

साथै उसले वरेन्टि अवधी समेत वढाएको छ । टाटाको कारमा यसअघि ७५ हजार अर्थात २ वर्षको स्ट्यान्डर्ड वारेन्टि पाउँदै आएका ग्राहकले अव १ लाख किलोमिटर अर्थात ३ वर्षको वारेन्टि पाउनेछन् । नयाँ इन्जिनका साथ आउने टाटा कारमा २० प्रतिशत इथानोल समिश्रण गरेर समेत गाडी चलाउन सकिन्छ ।