चर्चामा टाटाको नयाँ टिजर, अप्रिल ६ मा नयाँ इलेक्ट्रिक कन्सेप्ट सार्वजनिक गरिदै

टाटा मोटर्सले एक पटक फेरि इलेक्ट्रिक भेइकलमा हलचल मच्चाउने तयार गर्दैछ । कम्पनीले आगामी अप्रिल ६ मा आफ्नो नयाँ इलेक्ट्रिक कारको कन्सेप्ट सार्वजनिक गर्ने भएको छ । टाटा नेक्सन ईभी र टाटा टिगोरको सफलता पछि कम्पनीले नयाँ इलेक्ट्रिक कार लन्च गर्ने तयारी गरेको अनुमान गरिएको छ । कतिपयले आगामी दिनमा टाटाले बजारमा ल्याउने अनुमान गरिएको टाटा नेक्सन ईभी कुपेको कन्सेप्ट भएको अनुमान पनि गरेका छन् ।

टाटा मोटर्सले आफ्नो नयाँ इलेक्ट्रिक कारको बारेमा कुनै आधिकारिक जानकारी सार्वजनिक गरेको छैन । रिपोर्टका अनुसार नयाँ कार टाटा नेक्सन ईभीको अपडेटेड भेरिएन्ट हुन सक्ने वा अल्ट्रोज ईभी लन्च गर्न सक्ने जानकारी दिइएको छ ।

टाटा मोटर्सले हालै आफ्नो आधिकारिक सोशल मिडिया ह्यान्डलमा एक टिजर सार्वजनिक गरेको छ । यस टिजरमा गाडीको अगाडिको भाग मात्र देखाइएको हुनाले यो कुन मोडल हो भन्न कठिन छ । टिजरमा कारको साथमा कार्बन फाइबर र कार्बन फाइबर फिनिस प्यानल देखाइएको छ । यस टिजरको साथ, कम्पनीले ट्यागलाइन दिएको छ – ‘परिवर्तन नै सबै कुरा हो, परिवर्तन बलियो हुन्छ, परिवर्तन गतिशील हुन्छ । परिवर्तनलाई चिन्नुहोस् ।’ यस टिजरमा स्पष्ट छ कि टाटाको नयाँ इलेक्ट्रिक कार अप्रिल ६ मा लन्च गरिने छ ।

अनुमानित रिपोर्ट अनुसार सो कारले एक पटक फुल चार्जमा ४०० किलोमिटर रेन्ज दिनेछ । कारको यो विशेषताले यसलाई अन्य कारहरू भन्दा फरक बनाएको छ । यसमा ४० केडब्ल्युएच क्षमताको ठूलो ब्याट्री प्याक दिने सम्भावना रहेको छ । यसमा ४ वटामै नयाँ अलोय ह्विल र डिस्क ब्रेक, नयाँ अपहोल्स्ट्री र अपग्रेड गरिएको इन्फोटेनमेन्ट सिस्टम समावेश हुनेछ ।

नयाँ इलेक्ट्रिक कारमा इलेक्ट्रोनिक स्टेबिलिटी प्रोग्राम (ईएसपी) दिने सम्भावना रहेको छ । अटो विज्ञहरूका अनुसार ठूलो ब्याट्री भएको नयाँ इलेक्ट्रिक कारको मूल्य १७ लाखदेखि १८ लाख भारुसम्म हुने अनुमान गरिएको छ । टाटा मोटर्सको नयाँ मोडलले एमजी जेडएस ईभी र हुन्डाई कोना ईभी जस्ता इलेक्ट्रिक कारहरूसँग प्रतिस्पर्धा गर्नेछ ।

हाल टाटा नेक्सन ईभी टाटाको सबैभन्दा लोकप्रिय कार हो । यसमा ३०.२ केडब्ल्युएचको ब्याट्री जडान गरिएको छ, जसले ३१२ किलोमिटरको रेन्ज प्रदान गर्छ । सो कारले ९.१४ सेकेन्डमा ० देखि १०० किलोमिटर प्रति घन्टाको रेन्ज लिन सक्छ । यसको मोटरले १२७ बीएचपी र २४५ एनएम टर्क जेनेरेट गर्छ । टाटा नेक्सन ईभीलाई डिसी फास्ट चार्जरबाट चार्ज गर्दा १ घन्टामा ८० प्रतिशतसम्म चार्ज गर्न सकिन्छ ।