टाटाको नक्कली पार्ट्स विक्री गर्ने रौनियार प्रहरी नियन्त्रणमा

नेपाल प्रहरीले हिँजो काठमाण्डौ ढुङ्गेअड्डा स्थित न्यू प्रकाश अटो ट्रेडर्समा छापा मारी सो पासलका सञ्चालक शिव रौनियारलाई नियन्त्रणमा लिएको छ । प्रहरीका अनुसार रौनियारले लामो समयदेखि भारतबाट अबैध रुपमा नक्कली पार्ट्स झिकाई बिक्रीवितरण गर्दै आईरहेका थिए ।

अनुसन्धानको क्रममा उनले टाटाका नक्कली पार्टस् बिक्रीवितरण गरेको पाइएको र आगामी दिनमा त्यस्ता कार्य नगर्ने गरी सहमती पत्रमा हस्ताक्षर गरी एक पटकलाई सचेत गराई छाडिएको प्रहरीले जनाएको छ ।

आफू मात्र नभएर देशै भरी अन्य व्यक्तीहरु पनि यस्ता खालका कारोबारमा संलग्न भएको कुरा उनले प्रहरी समक्ष बताएका छन् । प्रहरीले अन्य संकास्पद स्थानहरुमा पनि खानतलास गरी आगामी दिनहरुमा यस्ता कार्यलाई नियन्त्रण गर्ने बताएको छ ।