टाटाको कर्भ सिरिज एक्स लन्च, कुल १० भेरियन्टमा उपलब्ध हुने

टाटा मोटर्सले आफ्नो लोकप्रिय कर्भ एसयूभीको नयाँ सिरिज एक्स लन्च गरेको छ। नयाँ कर्भ सिरिज एक्समा पहिलोपटक इन्ट्री लेवल स्मार्ट एक्स भेरियन्ट थप गरिएको छ। यसको मूल्य ९ लाख ९९ हजार ९९० भारु निर्धारण गरिएको छ।

टाटा कर्भ सिरिज एक्समा ३ वटा इन्जिन विकल्प रहेको छ । यसमा रेभोट्रोन १.२ लिटर पेट्रोल, हाइपरियन १.२ लिटर जीडीआई पेट्रोल र क्रायोजेट १.५ लिटर डिजेल इन्जिन रहेको छ ।  कम्पनीले सो एसयूभी म्यानुअल र अटोमेटिक गियरबक्ससहित कुल १० वटा भेरियन्ट र इन्जिन विकल्प उपलब्ध गराएको छ ।

सिरिज एक्सको स्मार्ट एक्स भेरियन्टमा १७ इन्चका एरो स्टाइल ह्विल, फ्लश डोर ह्यान्डल, डिजिटल इन्स्ट्रयुमेन्ट क्लस्टर, रिभर्स गाइड पार्किङ असिस्ट, ६ वटा एयरब्याग, ईएसपी र ईबीडी सहितको एबीएस उपलब्ध गराएको छ । यसको प्योर एक्स र प्योर एक्स प्लस भेरियन्टमा १०.२५ इन्चको हर्मन टचस्क्रिन, वायरलेस एन्ड्रोइड अटो र एप्पल कारप्ले र क्रुज कन्ट्रोलजस्ता सुविधा थपिएको छ ।  क्रिएटिभ एक्स प्लस भेरियन्टमा भ्वाइस असिस्टेड प्यानोरमिक सनरुफ, ब्लाइन्ड–भ्यु मनिटर र दुईवटा स्क्रिनसहितको ३६० डिग्री भ्यु क्यामेरा उपलब्ध छ।

कर्भ सिरिज एक्सका अकम्प्लिश्ड एक्स र एक्स प्लस भेरियन्टमा एडास लेवल २ स्ट्यान्डर्डको रूपमा उपलब्ध गराइएको छ। एक्स प्लसमा जेस्चर कन्ट्रोल्ड पावर्ड टेलगेट, एक्टिभ भेन्टिलेटेड फ्रन्ट सिट, ९ वटा जेबीएल साउन्ड सिस्टम, ट्विन जोन अटोमेटिक क्लाइमेट कन्ट्रोल, एयर प्युरिफायर, एलेक्सा इन्टिग्रेशन र इलेक्ट्रोक्रोमेटिक आईआरभीएम जस्ता फिचर समावेश गरिएको छ ।