४ हजार किमी बढी यात्रा गर्दै केरलादेखि काठमाडौं सम्म टाटा कर्भ ईभीमा

नेपालमा हालै सार्वजनिक टाटा कर्भ ईभी चढेर भारतका ३ जनाले ४ हजार भन्दा बढी किलाेमिटरको यात्रा पूरा गर्दै काठमाडौं आइपुगेका छन् ।

केरला राज्यको कोचीबाट काठमाडौंसम्म जीओ ईसी टिमले यो यात्रा तय गरेको हो। जसमा यदु र उन्नीसँगै ट्राभल भ्लगर याजिन पनि सहभागी भएका थिए। 

टाटाको नेपालका लागि आधिकारिक वितरक सिप्रदी ट्रेडिङले कोचीबाट टाटाको कर्भ ईभीमा आएको टोलीलाई काठमाडौंको थापाथलीस्थित टाटा मोटर्स शोरुममा स्वागत गरेकाे छ ।

यसले भारत र नेपालका फरक फरक भूगोलमा ईभीको क्षमता, विश्वसनीयता र रेन्जको उच्च प्रदर्शन गरेको कम्पनीले जनाएको छ। 

सो यात्रामा सहभागी याजिनले नेपालमा द्रुतगतिमा विकास भइरहेको ईभी पूर्वाधारको प्रशंसा गरेका थिए। भरपर्दो चार्जिङ सञ्जाल रहेकाले यो यात्रा सफल भएको पनि उनले बताए। 

कर्भ ईभीको १८६ एमएम ग्राउन्ड क्लियरेन्सले नेपालको पहाडी सडकमा यात्रा गर्न सहज भएको उनको भनाइ थियो। 

नेपालमा रहँदा उनीहरुले दिगो यातायातको भविष्यबारे समुदाय, विद्यार्थी, स्थानीयलगायतसँग सचेतनामूलक सहभागिता जनाउने बताइएको छ।