टाटा कार किन्दा २ लाख सम्म छुट र अन्य धेरै अफर पाइने

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले चाडपर्वको अवसरमा नयाँ अफरको घोषणा गरेको छ । ‘यसपालीको दसैं तिहार टाटाको सेफेस्ट कार्स हर्षमय परिवार’ स्लोगानका साथ ल्याइएको सो अफरमा कार किन्दा मोडल अनुसार २ लाख रुपैयाँ सम्म छुट प्रदान गरिने भएको छ ।

त्यसैगरी कुनै पनि ब्रान्डको पुरानो कारसँग टाटाको नयाँ कार एक्सचेन्ज गर्दा आकर्षक एक्सचेन्ज बोनस प्रदान गरिने छ । कारमा प्रयोग गरिने जेन्युइन एसेसरिज निःशुल्क प्रदान गरिने छ भने नामसारी पनि निःशुल्क हुनेछ ।

एक वर्षको सडक दस्तुर कर छुट प्रदान गरिने र प्रत्येक कार डेलिभरीमा विशेष उपहार प्रदान गरिने बताइएको छ ।

नेपाली बजारमा टाटाका सफारी, नेक्सन, टिगोर, अल्ट्रोज, टियागो र एच५ बिक्रीका लागि उपलब्ध छन् । टाटाको नयाँ सफारी हालै नेपाली बजारमा भित्रिएको हो । ५ र ७ सिट अप्सनमा उपलब्ध सफारी आरामदायी, उत्कृष्ट कार्य क्षमता र शानको बेजोड सम्मिश्रण भएको कम्पनीको भनाइ छ । आधुनिक युगका आकर्षक र शक्तिशाली एसयूभी रुचाउने ग्राहकलाई यसले आकर्षित गर्ने बताइएको छ ।

टाटा नेक्सन इलेक्ट्रि सनरुफयुक्त छ भने टाटा टिगोर र टियागो बीएस६ इन्जिन सहित अटोमेटिक ट्रान्समिसनमा उपलब्ध छन् । टाटा अल्ट्रोजले सेफ्टीका लागि यसले ग्लोबल एनक्याप क्र्यास टेस्टमा फाइभ स्टार सेफ्टी रेटिङ प्राप्त गरेको छ । त्यसैले नेपाली बजारमा उपलब्ध सबैभन्दा सुरक्षित ह्याचब्याक भनिएको छ ।

टाटा एच५ मा प्यानोरामिक सनरुफ छ भने यो अटोमेटिक ट्रान्समिसनयुक्त छ ।

नेपाली बजारमा सिप्रदी ट्रेडिङले हालै इलेक्ट्रिक कार नेक्सन ईभी समेत भित्र्याएको छ । यद्यपि यसको बुकिङ मात्र गर्न सकिने र अहिले तुरुन्तै उपलब्ध गराउन नसकिने तथा यसको लागि केही महिना पर्खिनु पर्ने सिप्रदी ट्रेडिङले जनाएको छ ।

टाटाका नयाँ कार किन्दा ३ वर्ष सम्मको वारेन्टी र निःशुल्क सर्भिसिङ समेत उपलब्ध गराइने कम्पनीको भनाइ छ ।