सुजुकीले स्लाइडिङ डोरको साथमा ल्यायो वागनआर स्माइल

जापानी कार निर्माता कम्पनी सुजुकीले घरेलु बजारमा वागनआर स्माइल लन्च गरेको छ । बक्सी लुक भएको सो मल्टीपर्पज कार इन्ट्री लेवल ट्रिम र टप भेरिएन्टको साथमा सार्वजनिक गरिएको छ । सुजुकीको नयाँ कारको मूल्य ८ लाख ३ हजार देखि ११ लाख ४४ हजार भारु रहेको छ । नयाँ सुजुकी वागनआर स्माइल हालको लागि जापानमा मात्र लन्च गरिएको छ ।

नयाँ सुजुकी वागनआर स्माइल कम्पनीको वागनआर स्ट्यान्डर्ड मोडलको तुलनामा फरक रहेको छ । कम्पनीले कार भित्र पस्न र बाहिर निस्कनका लागि स्लाइडिङ डोर जडान गरेको छ । कारको उचाई वागनआरको स्ट्यान्डर्ड मोडलको तुलनामा ४५ एमएम बढी रहेको छ । कम्पनीले सो कार हरेक महिना ५ हजार युनिट बिक्री गर्ने अनुमान गरिएको छ ।

इन्जिन र पावर
सुजुकी वागनआर स्माइलमा ३ सिलिन्डर ६५७ सीसी नेचुरल्ली एस्पायर्ड पेट्रोल इन्जिन जडान गरिएको छ । सो इन्जिनले ६५०० आरपीएममा ४७ बीएचपी पावर र ५००० आरपीएममा ५८ एनएम टर्क जेनेरेट गर्छ । सो इन्जिनको साथमा सीभीटी ट्रान्समिशन स्ट्यान्डर्ड उपलब्ध रहेको छ । रिपोर्ट अनुसार कार तीन भेरिएन्टमा उपलब्ध हुनेछ । जापानी कम्पनीले कारको ३ भेरिएन्ट २डब्लुडी र ४डब्लुडी विकल्पमा उपलब्ध गराइरहेको छ । यसमा हाई स्पेक ट्रिम्स र हाइब्रिड इन्जिन उपलब्ध रहेको छ ।

लुक र डिजाइन
सुजुकी वागनआर स्माइलको एक्सटेरियर प्रोफाइल बक्सी तर आकर्षक लुक रहेको छ । मिनी भ्यान जस्तै डिजाइन गरिएको सो कारको दुबै तर्फ स्लाइडिङ डोर रहेको छ । कारको फ्रन्टमा चार सर्कुलर हेडल्याम्प र क्रोम ग्रिल तथा बीचमा सुजुकीको लोगो समावेश गरिएको छ । कारको पछाडि भर्टिकल आकारको टेलल्याम्प समावेश गरिएको छ ।

इन्टेरियर र फिचर
कारको इन्टेरियरको कुरा गर्ने हो भने कारको सेन्टरमा ठूलो टचस्क्रिन इन्फोटेनमेन्ट सिस्टम, डुअल टोन ड्यासबोर्ड, कारको सिटको तल स्टोरेज युनिट र स्टेयरिङ माउन्टेड कन्ट्रोल जडान गरिएको छ । साथै एनालग इन्स्ट्रयुमेन्ट क्लस्टर र मल्टी इन्फर्मेसन डिस्प्ले पनि समावेश गरिएको छ । कम्पनीले ग्राहकको लागि कस्टमाइजेसनको विकल्प पनि पेश गरेको छ । यसमा रुफ रेल्स, अलोय ह्वील र बडी किट समावेश गरिएको छ ।

ह्यान्डलिङ
यसको अतिरिक्त कारको एनबीएच इन्जिनियरिङ टेक्नोलोजीमा पनि सुधार गरिएको छ । जसले कारको भाइब्रेसन र आवाजलाई कम गर्न मदत गर्छ । साथै ड्राइभिङ ब्लाइन्ड एंगल पनि कम गर्न सकिन्छ । अगाडिको विन्डोको डिजाइनले दृश्यलाई ८० प्रतिशत भन्दा बढी कम गर्ने छ, जसले सवारी साधनलाई नियन्त्रण गर्न सजिलो बनाउनेछ ।