भिटारा ब्रेजाले पार ग-यो विश्वकै खतरनाक रोड (भिडियो सहित)

मारुती सुजुकी भिटारा ब्रेजाले विश्वकै खतरनाक मध्ये एक मानिने भारतको किलर–किस्तवार अर्थात द क्लिफह्याङगर पार गरेको छ । हालै एक जना एड्भेन्चर प्रेमीले युट्युबमा राखेको यो भिडियो हेर्दै डरलाग्दो छ ।

एड्भेन्चर प्रेमीहरुका लागि सबैभन्दा सुन्दर क्लिफ्ह्याङगर मध्ये एक मानिने यो सडक निकै नै डरलाग्दो छ । भारतको हिमाचल प्रदेश र जम्मु काश्मिरलाई जोड्ने यो सडक खतरनाक हुनुका साथै प्राकृतिक दृश्यावलोकनका लागि उत्तिकै सुन्दर छ ।

सडक हाल निर्माणकै क्रममा छ र डर्ट ट्रयाक समेत क्लियर छैन । कुनै अवस्थामा सडकमा चट्टान र ढुंगाको थुप्रो नै छन् ।

यस्तो कठिन सडक पनि कम्प्याक्ट एसयूभीको रुपमा परिचित सुजुकी भिटारा ब्रेजाले कुशलतापूर्वक पार गरेको छ । भिटारा ब्रेजा भारतका साथै नेपालमा समेत निकै नै लोकप्रिय कम्प्याक्ट एसयूभी हो ।