सुजुकीले १ वर्षमा बिक्री गर्यो ९ लाख भन्दा बढी मोटरसाइकल र स्कुटर

सजुकीले आर्थिक वर्ष २०२३ मा भारतमा ९ लाख भन्दा बढी मोटरसाइकल तथा स्कुटर विक्री गरेको छ । गत आर्थिक वर्षको तुलनामा २४.३ प्रतिशतले बजार सुधार गर्दै कम्पनीले यो आर्थिक वर्षमा ९ लाख ३८ हजार ३७१ युनिट मोटरसाइकल र स्कुटर बिक्री गर्न सफल भएको हो । आर्थिक वर्ष २०२२ मा उसले कुल ७ लाख ५४ हजार ९३८ युनिट टु ह्विलर बिक्री गरेको थियो ।

मार्च महिनामा कम्पनीले कुल ९७ हजार ५८४ युनिट मोटरसाइकल र स्कुटर बिक्री गरेको थियो । जसमध्ये भारतमा ७३ हजार ६९ युनिट बिक्री भएको हो भने २४ हजार ५१५ युनिट निर्यात भएको थियो । जुन एक महिनामा बिक्री भएको हालसम्मकै सवैभन्दा वढी रहेको कम्पनीले जनाउको छ । कम्पनीका अनुसार यो गत वर्षको सोही महिनामा बिक्री भएको कुल संख्या भन्दा ४९ प्रतिशतले वढी हो ।

आर्थिक वर्ष २०२३ मा सुजुकीले एड्भेन्चर वाइक भी–स्ट्रोम एसएक्स र कटानालाई लन्च गरेको थियो भने जिक्सर सिरीज र एक्सेस १२५ स्कुटरलाई नयाँ कलर स्किममा ल्याएको थियो ।