अर्को वर्ष अपडेट हुँदैछ सुजुकी स्विफ्ट : यस्ता हुनेछन् मुख्य परिवर्तन

मारुती सुजुकीको स्विफ्ट ह्याचब्याक आगामी वर्ष नयाँ अपडेट मोडलमा आउने भएको छ । सन् २०१७ मा लन्च गरिएको स्विफ्टले सफलतापूर्वक ४ वर्ष पार गरिसकेको छ । अर्को वर्ष आउने स्विफ्ट यसको चौथो जेनेरेसन हुनेछ ।

नयाँ अपडेटमा हालको मोडल भन्दा थप फिचरका साथै आकर्षक र स्पोर्टी लुक हुनेछ ।

लन्च समय
यो कार सन् २०२२ को जुलाईमा लन्च हुनेछ । यद्यपि कम्पनीले यसको वारेमा आधिकारिक जानकारी केही दिएको छैन ।

हार्टेक्ट प्लेटफर्म
सुजुकीको सो २०२२ मोडलको कार हार्टेक्ट प्लेटफर्ममा आधारित हुनेछ । मारुती सुजुकीका धेरै कारहरु अब यही प्लेटफर्ममा आउन थालेका छन् । यसबाट कारको ओभरल पर्फमेन्स अझै राम्रो हुने बताइन्छ ।

कस्मेटिक परिवर्तन
कारमा नयाँ कस्मेटिक परिवर्तन पनि गरिने छ । यसमा नयाँ डिजाइनका साथै नयाँ लुक समेत हुनेछ । त्यसैगरी सो कार अझै स्पोर्टी समेत हुनेछ ।

नयाँ फिचर
सो नयाँ कारमा हालको मोडल भन्दा थप फिचर समेत हुनेछन् । यसमा नयाँ इन्टेरियर पनि हुनेछ । पहिले भन्दा ठूलो इन्फोटेनमेन्ट सिस्टम हुनुका साथै नयाँ अपहोल्स्ट्री समेत हुन सक्ने सम्भावना छ ।

मूल्य
यसको नयाँ मूल्यको वारेमा अहिले नै केही भन्न सकिदैन । यद्यपि विभिन्न नयाँ फिचरका कारण हालको मोडल भन्दा यसको मूल्य ४० देखि ५० हजार भारु सम्म महंगो हुन सक्ने छ ।

जापानको अटोमोबाइल पोर्टल बेस्ट कार वेबले सो नयाँ कारको इमेज रेन्डरिङ गरेको छ । यसका आधारमा सो कारको लुक कस्तो हुनेछ भन्ने अनुमान गरिएको छ ।