भोलिदेखि सुजुकीको विन्टर सर्भिस क्याम्प हुने

काठमाडौं – नेपालको लागि सुजुकी गाडीको आधिकारिक बिक्रेता तथा सीजी होल्डिङ्सको अटोमोबाइल डिभिजन सीजी मोटोकर्पले आउँदो भोलि देखि विन्टर फ्रि सर्भिस क्याम्प आयोजना गर्ने भएको छ । आगामी पुस २२ गते शुक्रबार सम्म चल्ने सो क्याम्प अवधिभर सुजुकीका ग्राहकले आफ्नो गाडीको सर्भिसमा आकर्षक छुट र अन्य अफर पाउने छन् । यसका साथै १५ जना लक्की ग्राहकले फ्रि सर्भिस भौचर पनि जित्न सक्ने छन् ।

सर्भिस क्याम्पमा ग्राहकले निशुल्क एसी÷हिटर चेक, ब्याट्री चेक र ओभरअल चेकअपको सुविधा पाउने छन् । त्यसैगरी, एसडीटी डायग्नोसिस र ह्विल एलाइनमेन्टमा ५० प्रतिशत तथा इन्जिन कुलिङ, एसी÷हिटर सम्बन्धी पार्ट्स र एसेसरिजमा १० प्रतिशत छुट पाउने छन्

यसका साथै यो अवधिमा सुजुकीका ग्राहकले स्पेयर पार्ट्स र इन्जिन आयलमा ५ प्रतिशत छुट पाउने कम्पनीको भनाइ छ ।

जाडो मौसमले सवारी साधनमा नराम्रो प्रभाव पार्नसक्ने र यो विषयमा सुजुकीका ग्राहकलाई जानकारी गराउन तथा उनीहरुको गाडीलाई राम्रो अवस्थामा राखिराख्न सो क्याम्प संचालन हुन लागेको कम्पनीले जनाएको छ।

सुजुकीको विन्टर फ्रि सर्भिस क्याम्प नेपालभरीका सबै सुजुकी सर्भिस सेन्टरमा हुनेछ । ५४ सर्भिस आउटलेट रहेको सुजुकीसँग नेपालकै ठूलो सर्भिस सञ्जाल भएको कम्पनीको भनाइ छ ।