गाडी बिग्रिएर समस्यामा परेका ग्राहकलाई सर्भिस दिन सुजुकीले ल्यायो ‘वर्कशप अन ह्विल’

सुजुकी गाडी प्रयोग गर्ने ग्राहकले अब घरमै सर्भिस भ्यान बोलाएर सेवा लिन सक्ने भएका छन् । मारुती सुजुकीको नेपालका लागी आधिकारिक बितरक सिजी मोटोकर्पले आफ्ना ग्राहकलाई लक्षित गरी शुरुवात गरेको ‘वर्कशप अन ह्विल’ क्याम्पेन अन्तर्गत ग्राहकले यस्तो सेवा लिन पाउने भएका हुन् ।

गाडी बिग्रिएर समस्यामा परेका ग्राहकलाई सेवा दिन ‘वर्कशप अन ह्विल’ उपयोगी हुने कम्पनीले बताएको छ । कम्पनी स्रोतका अनुसार यो सेवा यात्रा गर्दै गर्दा सडकमा गाडी बिग्रिएर समस्यामा परेका ग्राहकलाई समे उपलब्ध हुनेछ । सडक र घर दुबै स्थानमा ब्रेक डाउनको समस्याका कारण अफ्ठेरोमा परेका ग्राहकलाई छिटो छरितो र प्रभावकारी सेवा उपलब्ध गराउन यो क्याम्पेन फलदायी हुने बिश्वास लिइएको छ ।

जसअन्तर्गत कम्पनीले वर्कशपबाटै उपलब्ध हुने सरहको सेवा प्रादन गर्न ग्राहकको लोकेशनमा भ्यान र टेक्निसियन पठाएर ग्राहकलाई सेवा प्रदान गर्नेछ ।

तत्कालका लागि यो सेवा काठमाडौं, पोखरा, भैरहवा र नारायणघाटमा उपलब्ध हुने जनाइएको छ । सेवा लिन ग्राहकले कम्पनीको हटलाइन नम्बर ९८०१५७१५७१ मा सम्पर्क गर्नुपर्नेछ ।