सुजुकीले परीक्षण गर्दै नयाँ सानो इलेक्ट्रिक कार स्काई भिजन, अर्को वर्ष लन्च हुने सम्भावना

सुजुकीले इलेक्ट्रिक सेगमेन्टमा सानो नयाँ मोडल स्काई भिजन विकास गरिरहेको छ। रिपोर्टका अनुसार कम्पनीले इलेक्ट्रिक गाडी विस्तार गर्ने योजनाअन्तर्गत सो नयाँ कारको परीक्षण सुरु गरेको छ । यद्यपि, कम्पनीले हालसम्म यस बारे कुनै आधिकारिक जानकारी सार्वजनिक गरेको छैन।

रिपोर्टका अनुसार परीक्षणका क्रममा देखिएको गाडीको डिजाइन बक्सी शैलीको रहेको छ । सो गाडीको डिजाइन वागन आरसँग मिल्दोजुल्दो देखिन्छ। यद्यपि, परीक्षणमा गाडीलाई पूर्ण रूपमा ढाकिएकाले यसको डिजाइन स्पष्ट रूपमा देखिएको छैन। साथै यसमा प्रोजेक्टर हेडलाइट, एडास, रियर स्पोइलर, रियर वाइपर, डिफगर र एन्टेना जस्ता फिचर समावेश हुन सक्ने अनुमान गरिएको छ।

सुजुकीले सो इलेक्ट्रिक कार अर्को वर्ष लन्च गर्ने तयारी गरिरहेको छ। सुरुमा यसलाई जापान र केही युरोपेली देशमा बिक्रीका लागि उपलब्ध गराइनेछ भने त्यसपछि अन्य अन्तर्राष्ट्रिय बजारमा पनि विस्तार गर्ने योजना रहेको बताइएको छ।

स्काई भिजन इलेक्ट्रिक कार भारतीय बजारमा लन्च पछि सस्तो र सानो इलेक्ट्रिक कार खोज्ने ग्राहकका लागि यो आकर्षक विकल्प बन्न सक्ने अपेक्षा गरिएको छ।