सुजुकीले भारतमा बढायो स्कुटरको बिक्री, यस्तो छ अन्य ब्रान्डको अबस्था

सुजुकी टु ह्विलरले भारतमा स्कुटरको बिक्री बढाएको छ । गत बर्षको अप्रिलदेखी अक्टोबरसम्म बिक्री भएको कुल संख्याको तुलनमा यसबर्षको सोही अबधीमा उसले ४८ प्रतिशतले बजार बढाएको हो । गत बर्षको सोही अबधीमा २ लाख २७ हजार ७ सय २१ युनिट स्कुटर बिक्री गरेको सुजुकीले यो बर्षको ७ महिना अबधीमा ३ लाख ३७ हजार ८ सय १७ युनिट बिक्री गरी बजार हिस्सामा समेत ४ प्रतिशतले सुधार गरेको छ ।

यससंगै अघिल्लो बर्षको सोही अबधीमा जम्मा १० प्रतिशत मात्र बजार हिस्सा रहेकोमा अहिले बढेर १४ प्रतिशत पुगेको छ । एक्सेस १२५ को बिक्रीमा भारी बृद्धि हुँदा सुजीकीले स्कुटर सेग्मेन्टमा बजार हिस्सा बढाएको हो । स्कुटरमा सुजुकी होन्डा र टिभिएसपछि तेस्रो स्थानमा रहेको छ ।

भारतमा सबैभन्दा बढी होन्डाले ५० प्रतिशत भन्दा बढी बजार हिस्सा ओगटेको छ । ७ महिनाको यो अबधीमा होन्डाले कुल १२ लाख १५ हजार स्कुटर बिक्री गरेको छ । जुन अघिल्लो बर्षको सोही अबधीमा बिक्री भएको ११ लाख ८१ हजार ६ सय ९३ युनिटको तुलनामा ३ प्रतिशतले बढी हो ।

होन्डापछि दोस्रो स्थानमा रहेको टिभिएसको हिस्सा २० प्रतिशत रहेको छ । टिभिएसले यो अबधीमा ४ लाख ८० हजार स्कुटर बिक्री गर्दै उक्त हिस्सा ओगटेको हो । टिभिएसले अघिल्लो बर्षको सोही अबधीमा कुल २ लाख २७ हजार ७ सय २१ युनिट बिक्री गरेको थियो ।

चौथो स्थानमा रहेको हिरोले भने यस बर्षको ७ महिना अबधीमा जम्मा २ लाख ४ हजार १ सय १८ युनिट स्कुटर बिक्री गरेको छ । यो अघिल्लो बर्षको सोही अबधीमा बिक्री गरेको २ लाख ४० हजार ९ सय ५९ युनिटको तुलनमा १५ प्रतिशतले कमी हो । हिरोले यो अबधीमा बजार हिस्सा समेत २ प्रतिशतले गुमाउँदै ८ दशमलब ५२ प्रतिशतमा सिमित हुनु परेको भारतमा सबैभन्दा बढी होन्डाले ५० प्रतिशत भन्दा बढी बजार हिस्सा ओगटेको छ । ७ महिनाको यो अबधीमा होन्डाले कुल १२ लाख १५ हजार स्कुटर बिक्री गरेको छ । जुन अघिल्लो बर्षको सोही अबधीमा बिक्री भएको ११ लाख ८१ हजार ६ सय ९३ युनिटको तुलनामा ३ प्रतिशतले बढी हो ।

त्यसैगरी यामाहाको बिक्रीमा समेत ८ प्रतिशतले कमि आएको छ । यामाहाले यो अबधीमा कुल १ लाख २७ हजार ४ सय ३४ युनिट स्कुटर बिक्री गरेको छ । अघिल्लो बर्षको सोही अबधीमा कुल १ लाख ३९ हजार युनिट बिक्री गरेको यामाहाको बजार हिस्सा समेत ६ प्रतिशतबाट झरेर ५ प्रतिशतमा सिमित भएको छ ।