क्रसओभर र अफरोड सेग्मेन्टमा सुजुकीको इन्ट्री, कस्तो रहला नेपाली बजार

भारतको सवैभन्दा ठूलो कार उत्पादक कम्पनी मारुती सुजुकीले पछिल्लो समय एकपछि अर्को नयाँनयाँ मोडलका एसयूभी लन्च गरिरहेको छ । कम्पनीले लन्च गरेका ती एसयूभी नेपाली बजारमा समेत आइरहेका छन् । नेपालका लागी आधिकारिक विक्रेता सिजी मोटोकर्पले केही समयअघि नयाँ व्रेजा र ग्रान्ड भिटारालाई एकसाथ लन्च गरेको थियो ।

सव फोर मिटर र कम्प्याक्ट एसयूभी सेग्मेन्टमा राम्रो बजार लिन सफल यी दुई एसयूभी भित्रिएको केही समय अन्तरालमा कम्पनीले सोमबार क्रसओभर सेग्मेन्टको फ्रोङ्क्स र अर्को अफरोडर एसयूभी जिम्नीको मूल्य सार्वजनिक गरेको छ । यी एसयुभीलाई कम्पनीले केही दिन पहिलेदेखी वुकिङ लिँदै आएको थियो ।

मारुती सुजुकीका प्राय सवैजसो नयाँ मोडलले सेग्मेन्टमा बजारको नेतृत्व गर्दै आएको छ । यसअघि आएका भिटरा ब्रेजाले सो सेग्मेन्टमा लामो समयसम्म बजारको नेतृत्व गर्दै आएपनि पछिल्लो समय भित्रिएको नयाँ व्रेजाले भने खासै राम्रो बजार लिन सकिरहेको छैन ।

बजारमा कम्वसन गाडीको माग घटिरहेको र वैंक तथा वित्तिय संस्थाले अटोलोनमा गरेको कडाई जस्ता कारण नयाँ व्रेजा पुरानो व्रेजा जत्तिकै लोकप्रिय हुन नसकेपनि यो सेग्मेन्टमा यसले अहिले पनि बजारको नेतृत्व लिइरहेको कम्पनी स्रोतले दावी गरेको छ । यसैगरी ग्रान्ड भिटारा समेत राम्रै संख्यामा बिक्री भइरहेको उक्त स्रोतको भनाई छ ।

अर्थतन्त्रमा समस्या आउन लागेको भन्दै सरकारले लामो समयसम्म कम्वसन गाडीको आयतमा प्रतिवन्ध लागएपछि नेपाली अटोबजार अहिले एकदमै कठिन अवस्थाबाट गुज्रिरहेको छ । त्यसमाथी ग्राहकको रोजाई इलेक्ट्रिक कार वन्न थालेपछि सवैजसो कम्वसन गाडीको बिक्री नराम्रोसंग प्रभावित वनिरहेको छ । प्यासेन्जर कार बजार इभीमय वनिरहेको सन्दर्भमा नेपाल आएका फ्रोङक्स र जिम्नीलाई सोचे अनुसार बजार लिन चुनौतीपूर्ण हुने देखिएको छ ।

यस्ता छन् यी दुई एसयूभी

ब्रेजाभन्दा कम मूल्य निर्धारण गरिएको फ्रोङ्क्स सीग्मा, डेल्टा र डेल्टा प्लस गरी कुल तीनवटा भेरिएन्टमा उपलब्ध हुने कम्पनीले जनाएको छ । जसको मूल्य क्रमशः ३९ लाख ९९ हजार, ४१ लाख ९९ हजार र ४२ लाख ९९ हजार रुपैँया तोकिएको छ ।

सो नयाँ एसयूभीमा सुजुकीले १.० लिटर टर्वो वुस्टरजेट इन्जिन र १.२ लिटरको के–सीरीज इन्जिनको विकल्प दिएपनि नेपाली बजारमा यसको १.० लिटर टर्वो इन्जिन उपलबध नहुने कम्पनीले जनाएको छ । यसको १.२ लिटर इन्जिनको पावर ८९.७३ पीएस र टर्क ११३ एनएम रहेको छ । ५ स्पीड म्यानुअल ट्रान्समिन जडान गरिएको सो एसयूभीले प्रति लिटर पेट्रोलको खपतमा २१ किलोमिटर माइलेज दिने दावी गरिएको छ ।

फ्रोङ्क्समा अटोमेटिक क्लाइमेट कन्ट्रोल, की–लेस एन्ट्री एन्ड गो, फ्याब्रिक सिट अपहोल्स्ट्री, पावर विन्डो, स्टेयरिङका लागि टिल्ट एडजस्टमेन्ट, डुअल टोन इन्टेरियर पाउन सकिन्छ । त्यसैगरी, हिल होल्ड असिस्ट, रिभर्स पार्किङ सेन्सर, इलेक्ट्रोनिक स्टेबिलिटी प्रोग्राम, रियर डिफोगर, ह्वील कभरसहितको स्टिल ह्वील र हलोजन प्रोजेक्टर हेडल्याम्प दिइएको छ ।

अफरोडर सेग्मेन्टमा निकै नै चर्चित मानिएको जिम्नीलाई सिजी मोटोकर्पले यसअघि जापानबाट आयत गरी बिक्री गर्दै आएकोमा अव भने भारतबाटै आयत हुने भएको छ । यसअघिको जिम्नीमा ३ वटा ढोका दिइएकोमा नयाँ जिम्नीमा भने सुजुकीले ५ वटा ढोका दिएको छ ।

नेपाली बजारमा सो एसयूभी जेटा र अल्फा गरी कुल दुई भेरिएन्टमा आएको हो । जसको मूल्य क्रमशः ५९ लाख ९९ हजार र ६४ लाख ९९ हजार रुपैयाँ निर्धारण गरिएको छ । जिम्नीमा आइडल स्टार्ट स्टप विशेषता सहितको १.५ लिटर पेट्रोल इन्जिन जडान गरिएको छ । जसको पावर १०४.८ पिएर र टर्क १३४.२ एनएम रहेको छ । जिम्नीको ग्राउन्ड क्लिरियन्स २१० एमएम रहेको छ । सो एसयुभीमा ९ इन्चको टचस्क्रिन स्मार्ट प्ले प्रो प्लस इन्फोटेन्मेन्ट सिस्टम, ६ वटा एयर ब्याग, इएसपी, हिल होल्ड असिस्ट लगायत फिचर्स पाउन सकिन्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...