सुजुकी अर्टिगा अब टोयोटा अर्टिगा बन्ने, अगस्तमा लन्च हुने

हाल मारुती सुजुकीले बिक्री गरिरहेको मल्टी परपोज भेइकल (एमपीभी) अर्टिगा अब टोयोटाको ब्याज सहित आउने भएको छ । यसको नाम अब टोयोटा अर्टिगा हुनेछ । रिब्याज भर्सनलाई अब टोयोटाले सम्भवतः आगामी अगस्त सम्म भारतीय बजारमा उतार्ने छ ।

टोयोटा अर्टिगालाई मारुती सुजुकी अर्टिगा भन्दा फरक देखाउनका लागि यसको एक्सटेरियरमा सामान्य परिवर्तन गरिने छ । यसमा नयाँ ग्रिल पनि सामेल गरिने छ ।

टोयोटाले सायद यसको नाम पनि नयाँ राख्ने छ र भारतीय लाइनअपमा यो इनोभा क्रिस्टा भन्दा तल हुनेछ । हाल भारतीय बजारमा सुजुकी अर्टिगाको मूल्य ७ लाख ७० हजार भारु छ । नेपाली बजारमा यसको मूल्य ४१ लाख २९ हजार र ४५ लाख २९ हजार रुपैयाँ छ ।

आगामी दिनमा नयाँ टोयोटा ब्याज सहितको अर्टिगा पनि आकर्षक स्ट्यान्डर्ड वारेन्टीका साथ आउने अनुमान गर्न सकिन्छ । भारतीय बजारमा लन्च पश्चात नेपाली बजारमा पनि आउने सम्भावना हुन्छ ।

टोयोटा अर्टिगामा पावरका लागि १.५ लिटरको माइल्ड हाइब्रिड पेट्रोल इन्जिन हुनेछ, जसले १०४.७ पीएस पावर र १३८ एनएम टर्क जेनेरेट गर्छ ।

विगत २ वर्ष यता अन्तर्राष्ट्रिय बजारमा सुजुकी र टोयोटाले सहकार्य गरिरहेका छन् । यो भन्दा पहिले टोयोटा ग्लेन्जा र टोयोटा अर्वन क्रुजर पहिले देखि नै बिक्री भइरहेको छ ।