सुजुकीले वन्द गर्यो इन्ट्रयुडरको उत्पादन

जापनिज टु ह्विलर निर्माता सुजुकीले आफ्नो सेग्मेन्टकै पहिलो क्रुजर वाइक इन्ट्रयुडरको उत्पादन बन्द गरेको छ । सन् २०१७ मा पहिलोपटक लन्च गरिएको यो वाइकलाई कम्पनीले एकवर्षपछि फ्युल इन्जेक्सन सिस्टम राखेर अपडेट गरेको थियो । सन् २०२० मा विएस६ भर्सन लन्च भएसंगै यो वाइकको मूल्य बृद्धि भएको थियो ।

मूल्य वृद्धि भएपछि यो वाइकको विक्री नराम्रोसंग प्रभावित बनेको र अन्तत यसको उत्पादन नै वन्द गर्ने निर्णयमा कम्पनी पुगेको हो । यो वाइकले बजाज एभेन्जरसंग प्रतिस्पर्धा गर्ने ठानिए पनि त्यसो हुन सकिरहेको थिएन । इन्ट्रयुडर वन्द भएपछि क्रुजर सेग्मेन्टमा एभेन्जरले एकछत्र बजार लिने आँकलन गरिएको छ ।

इन्ट्रयुडर नेपाली बजारमा पनि उपलब्ध रहँदै आएको छ । भारतमा जस्तै यसलाई नेपाली राइडरले पनि खासै रुचाएका छैनन् । सजुकी जिक्सरको प्लेटफर्ममा उत्पादन गरिएको यो वाइकमा कम्पनीले सुधार गरिएको इन्जिन जडान गरेको थियो । यो वाइकको डिजाइन समेत पृथक खालको छ । जसलाई ग्राहकले नरुचाउँदा अन्तत वन्द नै हुनुपर्यो ।