दशैको उत्सव मनाउन सुजुकीले ल्यायो मोटरसाइकल र स्कुटर किन्दा आकर्षक अफर

काठमाडौं - सुजुकी टु ह्विलरको नेपालका लागि आधिकारिक वितरक भीजी अटोमोबाइल्सले यस वर्षको दशै र तिहार पर्वलाई लक्षित गर्दै ग्राहकहरुका लागि विशेष अफर सार्वजनिक गरेको छ ।

‘दशैको उत्सव, सुजुकीसँगै मिलन र प्रगतिको सुनौलो यात्रा’ भन्ने नारा सहित सुरु गरिएको सो अफर अन्तर्गत ग्राहकहरुले ५० हजार रुपैयाँ सम्मको क्यास डिस्काउन्ट र विशेष एक्सचेन्ज बोनस प्राप्त गर्नेछन् ।

अफर अन्तर्गत सुजुकी एभेनिस स्कुटरमा १० हजार सम्मको एक्सचेन्ज बोनस, जिक्सर मोटरसाइकलमा ७ हजार सम्मको एक्सचेन्ज बोनस पाइने छ ।

सुजुकी मोटरसाइकल र स्कुटर किन्न चाहने ग्राहकका लागि शून्य प्रतिशत सर्भिस चार्ज सहित इजी फाइनान्स सुविधा उपलब्ध भएको कम्पनीको भनाइ छ । यस वाहेक टेस्ट राइडमा चासो राख्ने ग्राहकहरुले नजिकैको सुजुकी शोरुममा गएर सजिलै टेस्ट राइड लिन सक्ने छन् ।

भीजी अटोमोबाइल्सका अनुसार सो अफर सीमित अवधिका लागि मात्र उपलब्ध हुनेछ । कम्पनीले दशै तिहारको पर्वलाई अझ स्मरणीय बनाउन सबै ग्राहकहरुलाई सुजुकीसँगै प्रगतिको यात्रा सुरु गर्न आह्वान गरेको छ ।