अंग्रेजी नयाँ वर्ष २०२२ देखि नेपालमा समेत सुजुकी कारको मूल्य बढ्ने

काठमाडौं – नेपाली बजारमा उपलब्ध सुजुकी कारको मूल्य अंग्रेजी नयाँ वर्ष २०२२ को सुरुवातमै बढ्ने भएको छ । नेपालका लागि सुजुकी कारको आधिकारिक वितरक सीजी मोटोकर्पले आफ्नो वेबसाइट र विभिन्न सामाजिक सञ्जालमार्फत यसको जानकारी दिएको छ ।

सीजी मोटोकर्पले यो भन्दा पहिले पुरानै मूल्यमा कार उपलब्ध गराइने र यसका लागि सम्पर्क गर्न आग्रह समेत गरेको छ । भारतमा समेत विभिन्न कारणले मूल्य बढिरहेको समयमा नेपाली बजारमा समेत अब मूल्य बढ्ने भएको हो ।

नेपाली बजारमा सुजुकीका अल्टो, डिजायर, बलेनो, एस–प्रेसो, सेलेरियो, वागनआर, इग्निस, स्विफ्ट, भिटारा ब्रेजा, सियाज, एस–क्रस, अर्टिगा, एक्सएल६ लगायतका कार तथा इको र इको कार्गो एवं सुपर क्यारी भ्यान उपलब्ध छन् ।