सुजुकी बर्गम्यान स्कुटर अब नयाँ कलर सहित नेपाली बजारमा

काठमाडौं – सुजुकी मोटरसाइकलको नेपालका लागि आधिकारिक आयातकर्ता तथा बितरक भीजी अटोमोबाइल्स प्रालिले आफ्ना स्कुटर सेग्मेन्टमा धेरै बिक्री गर्दै आएको बर्गम्यान म्याक्सी स्कुटर निषेधाज्ञाको अवधिमा नयाँ कलर र भेरिएन्टमा आयात गरेको छ । बर्गम्यान स्कुटर म्याट ब्ल्याक, साइनिङ ब्ल्याक, ग्रे र ह्वाइट गरी ४ कलरमा उपलब्ध थियो भने अब ब्लु र रेड कलर थप भई ६ कलर भेरिएन्ट भएको छ ।

बर्गम्यान एक फरकपन भएको म्याक्सी स्कुटर हो । यसमा १२५ सीसी क्षमताको एयरकुल्ड इन्जिन प्रयोग गरिएको छ । फुल डिजिटल ड्यासबोर्ड र एलईडी हेडल्याम्पले यसको आकर्षण बढाएको छ । २२ लिटर बराबर क्षमताको स्टोरेज क्षमता रहेको बर्गम्यान स्कुटरमा मोबाइल चार्जिङ्ग प्वाइन्ट तथा इलेक्ट्रिक र किक स्टार्ट सुबिधा रहेको छ ।

ग्राहकलाई राइडिङ पोजिसनमा सहज होस् भनेर अगाडि टेलिस्कोप सक जडान गरिएको छ भने इजी लेग पोजिसन समेत रहेको छ । जापानिज ब्रान्डको सो स्कुटरमा ५ बर्ष सम्मको इन्जिन वारेन्टी सुबिधा उपलब्ध छ ।

भीजी सुजुकीले निषेधाज्ञा खुल्ना साथ आफ्नो नयाँ र सर्वाधिक बिक्री हुने यो स्कुटरको कलर भेरिएन्ट सहित नेपालभरका ७२ वटा सोरुम बाट एक साथ बिक्री बितरण गरिने जनाएको छ ।

कम्पनीले हालको निषेधाज्ञाको अवधिमा पनि कोभिडको सामना गर्नको निमित्त खटिएका स्वास्थ्यकर्मी तथा अन्य फ्रन्टलाइनरहरुको आवश्यकतालाई मध्यनजर गर्दै सम्पुर्ण स्वास्थ्य मापदण्ड अपनाएर बाइक वा स्कुटर उपलब्ध गराउन सकिने जानकारी दिएको छ ।