सुजुकी बर्गम्यान स्कुटर अब इलेक्ट्रिकमा आउने

सुजुकीले भारतमा बर्गम्यान इलेक्ट्रिक स्कुटर लन्च गर्ने सम्भावना देखिएको छ । परीक्षण गरिरहेको तस्बिर सार्वजनिक भएसँग यसको चर्चा चलेको हो ।

केहि महिना अगाडि सुजुकीका मार्केटिङ एण्ड सेल्स हेड देवाशीष होन्डाले भनेका थिए कि कम्पनीले भारतमा इलेक्ट्रिक टु ह्वीलरको बजार मुल्याङ्कन गरिरहेको छ । कम्पनीले इलेक्ट्रिक ब्यान्डवागनमा प्रवेशको लागि सहि समयको प्रतीक्षामा रहेको छ ।

एक अनलाइन पोर्टलले बर्गम्यान स्ट्रिट म्याक्सी स्कुटरको परीक्षण कालको २ फोटो सार्वजनिक गरेको थियो । परीक्षणको समयमा देखा परेको सो बाइक सेतो र निलो रङको रहेको छ । यद्यपि सुजुकीले भारतीय बजारका लागि इलेक्ट्रिक प्रविधिको विकास गरिरहेको जानकारी दिएको छ ।

सुजुकीले हाल परीक्षण गरिरहेको सो इलेक्ट्रिक बाइक एथर, बजाज, टीभीएस र अन्य साना स्टार्टअप स्कुटरसँग प्रतिस्पर्धा गर्नेछ । बर्गम्यान १२५ स्कुटर स्मार्टफोन कनेक्टिभिटीको साथमा लन्च हुनेछ । जसको मूल्य ८४ हजार ६ सय तोकिने सम्भावना रहेको छ ।