यी ५ फरक बिशेषताका साथ आउँदैछ नयाँ ब्रेजा

मारुती सुजुकीले कम्प्याक्ट एसयुभीमा सर्बाधिक सफल मानिएको ब्रेजालाई अपडेट गरेर पुरै नयाँ डिजाइनका साथ बजारमा उतार्ने तयारी थालेको छ । कम्पनीले यो एसयुभीलाई पुरै नयाँ लुक्स तथा डिजाइन र इन्टेरियरका साथ बजारमा उतार्ने तयारी गरेको हो । सन् २०१६ मा पहिलोपटक लन्च भएयता यो एसयुभीले सेग्मेन्टमै राम्रो बजार लिइरहेको छ । सार्बजनिक भएको नयाँ तस्बिरमा यो एसयुभी थप स्पोर्टी देखिएको छ ।

ब्रान्ड न्यू फ्रन्ट फेसिया
ब्रेजाको यो अपडेटेड मोडलको फ्रन्ट लुक्समा पुरै नयाँ पन पाइनेछ । जसका कारण यो ब्रान्ड न्यू ब्रेजा जस्तै देखिनेछ । यसमा दिइएको डुअल बिम हेड ल्याम्प एकदमै स्लिक देखिनेछ । साथै यसमा अपेडेट गरिएको बम्पर र फग ल्याम्पको साथै धेरै स्थानमा ब्ल्याक गार्निस थप गरिने छ । बोनेट सेक्सन पुरै नयाँ हुनेछ ।

टल पिल्लरलाई निरन्तरता
हाल बजारमा उपलब्ध ब्रेजमा दिइएको टल पिल्लरलाई भने नयाँ ब्रेजामा समेत निरन्तरता दिइने भएपनि फ्रन्ट र रियर फेन्डरलाई भने ब्ल्याक क्ल्याडिङका साथ अपडेट गरिने भएको छ । अपडेट गरिएको ग्लोबल सी आर्किटेक्चरमा आधारित भई निर्माण गर्न लागिएको यो नयाँ एसयुभीको डाइमेन्सनमा भने कुनै परिबर्तन गरिने छैन ।

रिडिजाइन गरिएको रियर लुक्स
फ्रन्ट लुक्समा जस्तै यसको रियर लुक्समा समेत ब्यापक परिबर्तन गरिने भएको छ । जसका कारण पछाडीबाट हेर्दा समेत यो एसयुभी पुरै ब्रान्ड न्यू मोडल रहेको भान पर्नेछ । एलइडी टेल ल्याम्पलाई टेलगेट सम्म सिधा बिस्तार गरिनेछ । जसको माथील्लो भागमा सुजुकीको लोगो दिइने छ भने लोगोको तल ब्रेजालाई बोल्ड अक्षरमा लेखिनेछ । साथै यसको इन्टिग्रिटेड स्पोइलर, हाई माउन्टेड स्टप ल्याम्प, रुफ रेल्स र रियर बम्परमा समेत नयाँ पन पाइनेछ ।

प्याडल सिफ्टर, सन रुफ र अन्य नयाँ फिचर्स
नयाँ सनरुफ जडान गरिएको यसको टप भेरियन्टमा भने प्याडल सिफ्टर समेत उपलब्ध हुनेछ । साथै अटोमेटिक क्लाइमेट कन्ट्रोल, स्मार्ट हाइब्रिड टेक्नोलोजी, पुश–बटन स्टार्ट/स्टप, क्रुज कन्ट्रोल, माउन्टेड कन्ट्रोलका साथ लेदर -याप गरिएको नयाँ स्टेरिङ ह्विल र नयाँ एसी भेन्ट जस्ता थुप्रै फिचर्स पाउन सकिनेछ ।

अपडेट गरिएको इन्टेरियर
एक्स्टेरियरमा जस्तै यसको इन्टेरियरमा समेत ब्यापक फेरबदल गरिनेछ । हाल बजारमा उपलब्ध मोडलको तुलनमा यसको ड्यासबोर्ड र सेन्टर कन्सोल लेआउटमा थुप्रै फेरबदल गर्न लागिएको होे । एप्पल कार प्ले र एन्ड्रोइड अटो कनेक्टिभिटीका साथ ठूलो आकारको फ्लोटिङ टचस्क्रिन इन्फोटेन्मेन्ट सिस्टम लगायत अन्य थुप्रै प्रकारका कनेक्टिभिटी र फिचर्सलाई अपडेट गरिनेछ ।