सुजुकी एक्सेस १२५ ले पार गर्यो ५० लाख युनिट उत्पादन, नेपालमा किन हुन सकेन सफल

सुजुकी टु ह्विलरको लोकप्रिय स्कुटर एक्सेस १२५ ले ५० लाख युनिट उत्पादनको माइलस्टोन पुरा गरेको छ । भारतमा सन् २००७ देखी उत्पादन हुँदै आएको सो स्कुटरले १६ वर्षको अवधीमा यस्तो उपलबधी हात पारेको हो । एक्सेस १२५ विगत लामो समयदेखी नेपाली बजरामा पनि उपलब्ध रहँदै आएको छ । यो स्कुटरलाई हाल भीजी अटोमोवाइलले आयत गरी कारोवार गरिरहेको छ ।

भारतमा निकै राम्रो बजार लिन सफल भएपनि एक्सेस १२५ ले नेपाली बजारमा भने राम्रो उपस्थिती जनाउन सकिरहेको छैन । १२५ सिसी सेग्मेन्टमा सवैभन्दा पहिला नेपाल भित्रिएर पनि सो स्कुटरले बजार लिन नसक्नुको पछाडी विक्रेता कम्पनीले बजार प्रवद्र्धनमा उचित ध्यान दिन नसक्नु रहेको प्रष्ट हुन्छ । जसका कारण सुजुकीका अन्य वाइकको बिक्रीले पनि गती लिन सकिरहेको छैन । जसका कारण सुजुकीका अन्य वाइकको बिक्रीले पनि गती लिन सकिरहेको छैन ।

१२५ सिसी सेग्मेन्टमा निकै ढिलो गरी आएका टिभिएस एनटर्क, होन्डा ग्राजिया, यामाहा फेसिनो र रे–जेडआर जस्ता मोडलले अहिले राम्रो बजार पाइरहेका छन् । तर सुजुकी एक्सेस एकदमै कम संख्यामा बिक्री भइरहेको छ । हाल यसको वीएस६ मोडल उपलब्ध छ ।

एक्सेस १२५ मा १२४ सीसीको फ्यूल इन्जेक्टेड सिंगल सिलिन्ड जडान गरिएको छ । जसको पावर ८.७ एचपी र टर्क १० एनएम रहेको छ । टप स्पिड ९१ किलोमिटर प्रतिघन्टा रहेको यो स्कुटरले एक लिटर पेट्रोलको खपतमा ६० किलोमिटर माथी माइलेज दिने दावी गरिएको छ । स्कुटरमा प्राय सवैजसो आधुनिक फिचर दिइएको छ । यो स्कुटरलाई कम्पनीले २ लाख ६६ हजार रुपैयाँमा बिक्री गर्दै आएको छ ।