सुबारुको माइलस्टोन : विश्वभर २ करोड अल ह्विल ड्राइभ गाडी उत्पादन

जापनिज कार निर्माता कम्पनी सुबारुले विश्वभर २ करोड अल ह्विल ड्राइभ गाडी उत्पादन गरेको आधिकारिक जानकारी दिएको छ । सुबारुका लागि यो उपलब्धिमूलक माइलस्टोल हो ।

सुबारुले जापानमा पहिलो पटक ४९ वर्ष पहिले लियोन फोरडब्ल्युडी इस्टेट भ्यान ल्याए पश्चात हाल यो उपलब्धि हासिल भएको हो । सन् १९७२ सेप्टेम्बरमा लियोन लन्च गरिएको थियो । पछि यसको उत्पादन बन्द गरियो । त्यस पश्चात इमप्रेजा र अन्य अल ह्विल ड्राइभ गाडी बजारमा उपलब्ध भएका थिए ।

हाल सुबारुले विश्वभर बिक्री गर्ने गाडी मध्ये ९८ प्रतिशत अल ह्विल ड्राइभ छन् । यी सबै अल ह्विल ड्राइभ मोडलमा सुबारुको सिमेट्रिकल एडब्ल्युडी सिस्टम फिचर उपलब्ध हुन्छ, जसमा कम्पनीले पेटेन्ट गरेको बक्सर इन्जिन प्रयोग गरिएको हुन्छ ।

उक्त सिमेट्रिकल ड्राइभट्रेनले सुपेरियर वेट ब्यालेन्स र लो सेन्टर अफ ग्राभिटीसँग समन्वय गरी स्टेबिलिटी र ट्रयाक्सन बढाउन सहयोग गर्छ । यसले गर्दा जुनसुकै कन्डिसनको रोडमा पनि सुपर्व ड्राइभिङ पर्फमेन्सलाई बढाउछ ।

यी गाडीमा ई–बक्सर पावरट्रेन समेत उपलब्ध हुन्छ, जसलाई सुबारुले आगामी दिनमा बजारमा ल्याउने तयारी गरिरहेको सोल्टेरा अल–इलेक्ट्रिक एसयूभीमा समेत प्रयोग गरिने छ ।

सुबारुले आगामी दिनमा समेत यो प्रविधिलाई अझै ग्राहकमैत्री बनाउदै बजारमा उपलब्ध गराउने कम्पनीको विज्ञप्तिमा उल्लेख गरिएको छ ।