साङयोङको नयाँ मुसो ग्रान्ड पिकअप नेपाल आउने, ८५ लाख रुपैयाँमा खुल्यो बुकिङ

कोरियन अटो निर्माता साङयोङको ‘अल न्यू’ मुसो ग्रान्ड पिकअप नेपाल आउने भएको छ । नेपालका लागि आधिकारिक बितरक आइएमएस मोटर्सले यो पिकअपको मूल्य ८५ लाख रुपैयाँ निर्धारण गरेर बुकिङ समेत खुल्ला गरिसकेको छ ।
यो पिकअपमा कम्पनीले १ लाख ५० हजार रुपैयाँ बराबरको एसेसोरिज निशुल्क तथा ८५ हजार रुपैयाँको इन्सुरेन्स र १ लाख रुपैयाँ नगद छुट दिने बताएको छ । साथै अप्रिल १३ गतेभित्र बुकिङ लिइसक्ने ग्राहकले अग्रिम बुकिङ वापत १ लाख रुपैयाँ अतिरिक्त छुट समेत पाइने कम्पनी स्रोतको भनाई छ ।

यो नयाँ पिकअपमा २.२ लिटर, ४ सिलिन्डर, इन्लाइन डिजेल इन्जिन जडान गरिएको छ । जुन यूरो ६ मापदन्डको हो । अधिकतम पावर १८१ पिएस र टर्क ४०० एनएम रहेको यो पिकअपको ग्राउन्ड क्लिरियन्स २२५ एमएम र ह्विलबेश ३२१० एमएम रहेको छ । ६ स्पिड म्यानुअल ट्रान्समिसन दिइएको यो गाडीमा फोर ह्विल ड्राइभको मज्जा लिन सकिनेछ ।

यसको एक्सटेरियर भागमा क्वाड एलइडी फग ल्याम्प सहितको एचआइडी हेडल्याम्प, क्रोम्ड रेडियटर ग्रिल, व्ल्याक्ड आउट डोर ह्यान्डल, रुफ रेल, सार्क फिन एन्टिना र स्टाइलिस एलोई ह्विल्सलाई आकर्षक तवरबाट समायोजन गरिएको छ । जसले यो पिकअपको लुक्स तथा डिजाइनलाई बोल्ड देखाउन मद्धत गरेको छ । १२६२ लिटर कार्गो स्पेस दिइएको यो पिकअपले ७ सय किलोसम्मको वजन बोक्न सक्ने दाबी गरिएको छ ।

बिलासी कारमा जस्तै यसको क्याबिनमा प्रिमिय लेदर सिट, ७ इन्चको एलसिडी क्लस्टर सहितको हाइड्रोलिक पावर स्टेरिङ सेटअप र ८ इन्चको इन्फोटेन्मेन्ट सिस्टम दिइएको छ । फिचर्सको कुरा गर्नुपर्दा यसमा डुअल जोन टेम्प्रेचर कन्ट्रोल, इलेक्ट्रोनिक क्रुज कन्ट्रोल, अटो लाइट कन्ट्रोल, रिमोट किलेस इन्ट्रि सिस्टम, युएसबी एन्ड एयुएक्स, ८ र ६ तवरमा एड्जस्ट गर्न मिल्ने ड्राइभर सिट र को–ड्राइभर सिट, भेन्टिलिटेड फ्रन्ट सिट र रेस सेन्सिङ वाइपर उपलब्ध गराइएको छ ।

सुरक्षका लागी यसमा ६ वटा एयर ब्याग, ट्रयाक्सन कन्ट्रोल सहितको इलेक्ट्रोनिक स्टाबिलिटी प्रोग्राम, अटोनोमस इमर्जेन्सि ब्रेकिङ, लकिङ डिफ्रेन्सियल, हिल स्टार्ट एसिस्ट, हिल डिसेन्ट कन्ट्रोल, इमर्जेन्सि स्टप सिग्नल र लेन चेन्ज कोलिजन वार्निङ लगायत अन्य प्रशस्तै फिचर्स दिइएको छ । नेपाली बजारमा हाल कारोबार भैरहेका प्राय सबैजसो प्रिमियम रेन्जका पिकअपसंग यसले प्रतिस्पर्धा गर्न सक्ने देखिएको छ ।