सोल्ड आउट पश्चात अब सहजतातर्फ होन्डा सीबी हाइनेस ३५०, १ हप्ताभित्र डेलीभरी गरिने

जापनिज ब्रान्ड होन्डाको क्रुजर बाइक सीबी हाइनेस ३५० को आपूर्ति सहज हुन थालेको छ । केहीसमय अघिमात्र नेपाली बजारमा भित्रिएको उक्त बाइकको केहिदिन भित्रै स्टक सोल्ड आउट भएको थियो ।

नयाँ लट आउन केही समय लाग्ने भन्दै कम्पनीले आपूर्ति सहज हुनेबित्तिकै डेलिभरी गरिने बताएको थियो । कम्पनी स्रोतका अनुसार हाल नयाँ लट आउन थालेका कारण ग्राहकले अब लामो समय कुुर्नुपर्ने छैन । बाइक बुकिङ गरेको बढीमा १ हप्ताभित्र डेलिभरी दिइसक्ने उक्त स्रोतले दाबी गरेको छ । हाल यो बाइक होन्डाका प्रायः सबैजसो डिलरमा उपलब्ध रहेको समेत बताइएको छ ।

३५० सीसी क्षमताको यो बाइकमा आधुनिक फिचर्स थप गरिएको छ । यो बाइक सिंगल टोनमा प्रिसियस रेड मेटालिक, म्याट मार्सल ग्रिन मेटालिक र पर्ल नाइट स्टार ब्याल्क गरी ३ विभिन्न रङमा उपलब्ध छ ।

रियल टाइम माइलेज, एभरेज माइलेज र डिस्ट्यान्स टू एम्प्टी सूचित गर्ने डिजिटल कन्सोल, रिङ टाइप विंकरसहित एलईडी हेडल्याम्प, एस्सिट एन्ड स्लिपर क्लच, डिजिटल मिटर, लामो र आरामदायी सिटजस्ता यस बाइकको धेरै मध्येका केही विशेषताहरु हुन् । नेपाली बजारमा यसको मूल्य सात लाख ५० हजार रुपैयाँ तोकिएको छ ।

नजिकको होन्डा सोरुम वा होन्डा नेपालको वेबसाइटमार्फत सो बाइक बुकिङ गर्न सकिने छ ।