स्मार्ट लुब्रिकेन्टसको पहिलो डिलर सम्मेलन ईलामको कन्याममा सम्पन्न

स्वदेशी लुव्रिकेन्ट्स व्रान्ड स्मार्टले आफ्नो पहिलो डिलर सम्मेलन इलामको कन्याममा सम्पन्न गरेको छ । देशभरबाट सहभागी डिलर र तिनका प्रतिनिधीको उपस्थितीमा डिलर सम्मेलन सम्पन्न भएको कम्पनीका कार्यकारी निर्देशक सुरज वराइलीले बताए । उनका अनुसार पहिलो सम्मेलन निकै नै सफल र फलदायी तवरले सम्पन्न हुनुको साथै आगामी वर्षहरुमा अझै राम्रो गर्ने प्रतिवद्धता समेत जाहेर गरिएको छ ।

बिगत १४ बर्षदेखी लुब्रिकेन्टस् व्यावसाय गर्दै आएका व्यावसयीहरुको समहुले यो उद्योग संचालनमा ल्याएका हुन् । संचालनमा आएको छोटो समयमा नै ग्राहकको बिश्वास जित्न सफल ब्राण्डको रुपमा स्मार्ट लुब्रिकेन्टस् स्थापित भएको निर्देशक वराइलीले बताए । उनले भने, ‘आजका दिनमा यस उद्योगले बिषेश गरी ग्रीज , ईजिन आयल, हाईड्रोलीक र गीयर आयल सहित करिव ४० देखी ४५ प्रकारका लुव्रिकेन्ट्स उत्पादन गर्दै आइरहेको छ । यी उत्पादनको बिक्री वितरण सहज बनाउन मेचिदेखी महाकालीसम्म नेटवर्क बिस्तार भैसकेको छ ।’

झापामा उद्योग स्थापना गरी उत्पादन हुँदै आइरहेको यो ब्राण्डले पछिल्लो समय नेपाली लुव्रिकेन्ट्स व्रान्डमा अलग छाप पार्न सफल भएको भएको छ । उनका अनुसार लकडाउनकै समयमा यो उद्योग स्थापना भएको थियो । उद्योग संचालन गर्ने निर्णय गरी काठमाडौंबाट झापा आउँदै गर्दा त्यसको ठिक २ दिनपछि लकडाउन लगाउँदा समेत कत्तिपनि विचलित नभई निरन्तर उद्योग स्थापनामा खटेका कारण लक्ष्य भन्दा ५ महिना अगाडी अर्थात ७ महिनामै उत्पादन शुरु गर्न सकिएको उनले बताए ।

स्वदेशमै गुणस्तरिय लुव्रिकेन्ट्स उत्पादन गरी रोजगारी सिर्जना गर्नु र नेपाललाई लुव्रिकेन्ट्स उत्पादनमा आत्मनिर्भर बनाउनु आफूहरुको मुख्य लक्ष्य रहेको कार्यकारी निर्देशक बराइलीको भनाई छ ।