स्मार्ट लाइसेन्सको छपाई शुरु, माघ महिना सम्मका बाँकी सबैले स्मार्ट लाइसेन्स पाउने

काठमाडौं – सात महिनाको पखाई पश्चात यातायात व्यवस्था विभागले स्मार्ट लाइसेन्सको छपाई फेरि थालेको छ । भौतिक पूर्वाधार तथा यातायात मन्त्री रेणुकुमारी यादवले एक कार्यक्रम बीच छपाई कार्यको शुभारम्भ गरिन् ।

आजदेखि चारओटा मसिनबाट स्मार्ट लाइसेन्स छपाइको काम सुरु हुने बताइएको छ । प्रति घण्टा ४५० वटा कार्ड छाप्नसक्ने क्षमता भएको यो मसिनमार्फत तीन सिफ्टमा दैनिक १० हजार छपाइ हुने विभागले जनाएको छ । त्यस्तै माघ महिनाभित्र स्मार्ट लाइसेन्स लिन बाँकी भएका सबैले लाइसन्स पाउने विभागले बताएको छ ।

सो अवसरमा मन्त्री यादवले टाढाबाट लाइसेन्स लिन आउनु पर्ने बाध्यतालाई हटाउन आगामी दिनमा हुलाकबाटै लाइसेन्स सम्बन्धित व्यक्तिको घरैमा पु¥याउने व्यवस्था समेत गरिने बताइन् ।

मन्त्री यादवले छपाई प्रक्रिया वारे अवलोकन गर्नुका साथै ट्राफिक जानकारी क्युआर कोडबाट तिर्न सकिने व्यवस्था वारेमा समेत जानकारी लिइन् ।