धमाधम प्रिन्ट हुँदै ड्राइभिङ लाइसेन्स (स्मार्ट कार्ड), तपाईको भयो कि भएन ? यसरी हेर्नुस्

तपाईको ड्राइभिङ लाइसेन्स अर्थात स्मार्ट कार्ड प्रिन्ट भयो कि भएन भनेर थाहा पाउन चाहनु हुुन्छ ? यदि ड्राइभिङ लाइसेन्सका लागि आवेदन दिएको लामो समय भइसक्यो भने कार्ड प्रिन्ट पनि भइसकेको हुन सक्छ ।

यातायात व्यवस्था विभागले हाल प्रिन्ट भएका लाइसेन्स धमाधम यातायात कार्यालयहरुमा पठाइरहेको छ । तपाईले आवेदन दिएको कार्यालय अनुसार समय हेरेर त्यसै अनुसार लाइसेन्स प्रिन्ट भएको थाहा पाउन सकिन्छ ।

त्यसैगरी यातयात व्यवस्था विभागको वेबसाइटमा आफ्नो लाइसेन्स नम्बर राखेर यसको अवस्था वारेमा पनि थाहा पाउन सकिन्छ ।

यसका लागि विभागको वेबसाइट अन्तर्गत दायाँ साइडमा रहेको सवारी चालक अनुमतिपत्र (स्मार्ट कार्ड) प्रिन्ट स्थितिमा तल रहेको खाली ठाउँमा नम्बर राखेर ‘अवस्था जाँच गर्नुहोस्’ मा क्लिक गर्न सकिन्छ ।

नयाँ लाइसेन्स लिन वा नवीकरण गर्नका लागि हाल धेरैले आवेदन दिए पनि लामो समय देखि लाइसेन्स पाउन सकेका छैनन् । यो अवस्थामा हाल लाइसेन्स धमाधम प्रिन्ट समेत भइरहेका छन् । यसले गर्दा अब लामो समय पर्खिनु नपर्ने अवस्था देखिएको छ ।