सस्तो मूल्यमा लक्जरी एसयूभी, नाडा अटो शोमा स्काईवेलको आकर्षण

काठमाडौं–भृकुटिमण्डमा जारी ‘नाडा अटो शो २०२६’ मा स्काईवेल ब्रान्डका ईभीप्रति अटोमोबाइल्स प्रेमीहरूको विशेष चासो देखिएको छ । नेपालका लागि स्काईवेलको आधिकारिक वितरक एलआरआर मोटर्सले अटो शोको पहिलो दिन नयाँ ‘बीई ११’ मोडल सार्वजनिक गरेसँगै कम्पनीको स्टलमा अवलोकनकर्ताहरूको घुइँचो लागेको हो ।

५० लाखभन्दा कम प्रारम्भिक मूल्यमा उपलब्ध यो ईभी नाडा अटो शोमा राखिएका गाडीहरूमध्ये सबैभन्दा लामो (४,७२० एमएम) एसयूभी भएको प्रतिक्रिया अवलोकनकर्ताहरूले दिएका छन् ।

नेपाली बजारमा स्काईवेल बीई ११ दुई फरक ब्याट्री क्षमता र विभिन्न भेरियन्टमा उपलब्ध गराइएको छ । ५१.९१ किलोवाट आवरको एलएफपी ब्याट्री प्याक रहेको मोडलले ४१० किलोमिटर र ७१.९८ किलोवाट आवरको एनएमसी ब्याट्री प्याक रहेको मोडलले ५२० किलोमिटरसम्मको रेन्ज दिने दाबी गरिएको छ ।

कम्पनीले ४१० किमी रेन्ज दिने इन्ट्री भेरियन्टको नियमित मूल्य . ४९.९९ लाख, कम्फर्टको ५५.९९ लाख र लक्जरीको ५६.९९ लाख निर्धारण गरेको छ भने ५२० किमी रेन्ज दिने भेरियन्टको मूल्य ६४.९९ लाख तोकिएको छ ।

अटो शोलाई लक्षित गर्दै एलआरआर मोटर्सले विशेष नाडा छुट अफर पनि सार्वजनिक गरेको छ । अफरअन्तर्गत ४१० किमी रेन्ज दिने इन्ट्री मोडल ४६.९९ लाख, कम्फर्ट मोडल ५३.९९ लाख र लक्जरी मोडल ५४.९९ लाखमै उपलब्ध हुनेछ भने ५२० किमी रेन्ज दिने भेरियन्टलाई ५९.९९ लाखमा खरिद गर्न सकिनेछ । आकर्षक छुट र लक्जरी फिचरका कारण ग्राहकहरूले यस गाडीमा उच्च रुचि देखाएका छन् ।

दुवै ब्याट्री भेरियन्टमा १५० किलोवाट क्षमताको शक्तिशाली मोटर राखिएको छ, जुन डिसी फास्ट चार्जरमार्फत मात्र ३५ मिनेटमै ७० प्रतिशतसम्म चार्ज हुन सक्छ । नेपालका जुनसुकै बाटोमा सहजै चल्न सक्ने गरी यसमा १९७ एमएमको ग्राउन्ड क्लियरेन्स दिइएको छ ।

यसका साथै प्यानारोमिक सनरुफ, ३६० डिग्री क्यामेरा, भेन्टिलेटेड सिट, प्रशस्त क्याबिन स्पेस र आधुनिक बडी डिजाइनले गर्दा स्काईवेल बीई ११ ले प्रिमियम ईभी खोजिरहेका ग्राहकलाई आकर्षित गरिरहेको छ ।