२०७७ चैत ३० सोमबार,

नेपालमा स्कोडाको शाखलाई एक कदम माथि उठाउला कुशाकले ?

Post adv

नेपाली बजारमा केही महिना पछि स्कोडाको नयाँ एसयूभी कुशाक प्रवेश गर्दैछ । त्यसैको तयारी स्वरुप नेपालका लागि स्कोडाको आधिकारिक वितरक एमएडब्ल्यु इन्टरप्राइजेजले विभिन्न पदका लागि दरखास्त आह्वान समेत गरेको छ ।

स्कोडा कुशाकका लागि च्यानल सेल्स म्यानेजर, च्यानल सेल्स एक्जिक्युटिभ, ट्रेनर म्यानेजर, बीटीएल कोअर्डिनेटर, सर्भिस इन्जिनियर, भेइकल रजिस्ट्रेसन एक्जिक्युटिभ र कस्टमर रिलेसनसिप म्यानेजमेन्ट एक्जिक्युटिभ पदमा दरखास्त आह्वान गरिएको हो ।

यो भन्दा पहिले एमएडब्ल्युले आगामी साउन महिनामा नेपाली बजारमा स्कोडा कुशाक उपलब्ध हुने जानकारीका साथ यसका लागि विभिन्न स्थानमा डिलरको आह्वान गरेको थियो ।

स्कोडाको सो एसयूभी आगामी मार्च महिनामा भारतमा लन्च हुने बताइएको छ । हाल यो एसयूभीको विशेषताको वारेमा निकै नै चर्चा भएको छ । नेपाली बजारमा समेत यसले राम्रो पकड कायम गर्ने उद्देश्यका साथ एमएडब्ल्युले विशेष तयारी गरिरहेको अनुमान गर्न सकिन्छ ।

२०२० अटो एक्सपोमा स्कोडा अटो इन्डियाले भिजन इन नामको एक कम्प्याक्ट एसयूभीको कन्सेप्ट सार्वजनिक गरेको थियो । सो कार लेटेस्ट फिचर सहित लन्च हुनेछ ।

सो कार भिजन इन एमक्युबी एओ इन प्लेटफर्ममा आधारित हुनेछ । सो प्लेटफर्ममा विकसित गरेको यो कार पहिलो हुनेछ । जसको प्रयोग पछि फक्सवागन र स्कोडा कारको लागि पनि प्रयोग गरिने छ । यही प्लेटफर्ममा फक्सवागन टाइगुन पनि विकसित गरिने छ । सो कारको लम्बाई ४२५६ एमएम, ह्वीलबेस २६७१ एमएम हुनेछ ।

Advertise Eleven Advertise Ten Advertise Nine

लन्च पश्चात सो कारले हुन्डाई क्रेटा, किया सेल्टोस, निसान किक्स, रेनो डस्टरको साथै एमजी हेक्टर र टाटा हेरियरसँग प्रतिस्पर्धा गर्नेछ ।

भारतमा समेत स्कोडा कुशाकको बिक्री–वितरणका लागि राम्रो तयारी भइरहेको समयमा नेपालमा पनि यसलाई निकै उत्साहका साथ लिइएको छ । यसले स्कोडाको नेपाली बजारलाई एक कदम माथि उठाउने कम्पनीको अपेक्षा भएको बताइएको छ ।

नेपालका लागि स्कोडाले यो वर्ष केही राम्रो गर्ने अपेक्षा गरेको कम्पनी स्रोतले बताएको छ । विगत ६ महिनामा सबैभन्दा बढी बिक्री भएको सेडानको रुपमा स्कोडा ¥यापिड बनेको छ । यसबाट हौसिएको एमएडब्ल्युले कुशाक नेपाली बजारमा भित्रिए पछि त झन् विशेष हुने अनुमान गरेको छ ।

 

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...