भारतमा १० हजार करोड लगानी थप्दै स्कोडा अटो र फक्सवागन, ईभी उत्पादनमा जोड दिने

स्कोडा अटो र फक्सवागन इन्डियाले भारतमा ठूलो लगानी थप्ने भएका छन् । फक्सवागन समुहको ३.० योजनाको एक भागको रूपमा १० हजार करोड भारु लगानी गर्न लागिएको हो । यस लगानीले भारतमा आफ्नो सञ्चालन विस्तार गर्ने योजना समुहले बनाएको छ ।

रिपोर्ट अनुसार फक्सवागन समूहको भारतिय सहायक कम्पनीले थप लगानीको लागि सैद्धान्तिक स्वीकृति प्राप्त गरिसकेको छ । जसले नयाँ मोडेलको विकासमा मद्धत पुग्ने जनाइएको छ ।

भारत ३.० परियोजना भारतमा प्रिमियम युटिलिटी भेइकल सेग्मेन्टमा केन्द्रित छ । भारत २.० अन्तर्गत सुरु गरिएका मोडेलहरू भन्दा फरक, कम्पनीले अब विद्युतीय, हाइब्रिड र आइसिई सेग्मेन्टमा प्रिमियम एसयुभी र एमपिभी हरूलाई लक्षित गर्नेछ ।

फक्सवागन समुहले ४.३ देखि ४.८ मिटर श्रेणीमा मध्यम आकारको विद्युतीय एसयुभी तयार पार्नेे योजना बनाएको छ । यी ईभी भारतकै लागि भनेर डिजाइन गरिएको सिएमपी २१ प्लेटफर्ममा आधारित हुने वताइएको छ । जुन मूल्यका हिसावले किफायती समेत हुनेछ ।