सिप्रद्धी ट्रेडिङका अध्यक्ष राणा बने सबैभन्दा बढी कर तिर्ने ब्यावसायी

आर्थिक बर्ष २०७७/७८ मा ब्याक्तिगत आयबाट सबैभन्दा बढी कर तिर्ने ब्यावसयीका रुपमा सिप्रद्धी ट्रेडिङका अध्यक्ष सिद्धार्थ राणा सम्मानित भएका छन् । राष्ट्रिय कर दिवस २०७८ को अबसर पारेर राणलाई सरकारले सम्मान गरेको छ । बिगतका बर्षहरुमा समेत सबैभन्दा बढी कर तिर्ने ब्याक्तिका रुपमा सम्मानित हुँदै आएका राणलाई अघिल्लो बर्ष भने जावलाखेल डिस्टिलरीका बिजय साहले उछिनेका थिए ।

राणा अध्यक्ष रहेको सिप्रद्धि ट्रेडिङले नेपालमा टाटा गाडीको आधिकारिक बितरकका रुपमा कार्य गर्दै आइरहेको छ । साथै सिप्रद्धी अन्तर्गत सिप्रद्धी अटो पार्टस्, सिप्रद्धी इनर्जी र सिप्रद्धी एस्योर्डले समेत अटोमोबाइल सम्बद्ध ब्यावसाय गर्दै आइरहेको छ । यस बाहेक उनी हिमालयन इन्टरनेशनल इनर्र्जी प्रालि, भोटेकोशी पावर कम्पनी, तारा म्यानेजमेन्ट प्रालि, सूर्य फण्ड, सोल्टी ग्रुप, अमरावती ट्राभल, एम ट्रिप, सूर्य नेपाल लगायतका कम्पनीमा संलग्न छन् ।

राणा पारदर्शी व्यवसाय गर्नुपर्छ भन्ने मान्यता राख्ने ब्यावसायीका रुपमा समेत परिचित छन् । उनी संलग्न कम्पनीहरु अहिलेसम्म कर बिबादमा समेत पर्ने गरेको पाइदैन। त्यही भएर लगातार उनी व्यक्तिगत रुपमा बढी कर तिर्ने व्यक्तिका रुपमा सम्मानित हुँदै आएका हुन् ।