सिप्रद्धी अटो पार्टसले सुरुवात गर्यो टाटा एस र योद्धा पिकअपको जेन्युइन पार्टस उपलब्ध हुने छुट्टै जोन

टाटा जेन्युइन पार्टसको आधिकारिक बितरक सिप्रद्धी अटो पार्टसले टाटा एस र योद्धा पिकअपलाई लक्षित गरी जेन्युइन पार्टस् उपलब्ध गराउन नयाँ अभियानको थालनी गरेको छ । टाटा एस र टाटा योद्धा जोनका नामले संचालनमा आएको यी आउटलेटको सुरुवात पहिलोपटक चीतवनबाट गरिएको छ । यसअघि टाटा कर्मसियल भेहिकलका लागी आबश्यक जेन्युइन पार्टसको बिक्री बितरणलाई ब्यावस्थित बनाउन टाटा च्याम्पियन जोनको अभियान चलाएको कम्पनीले अहिले भने पिकअपलाई लक्षित गरी छुट्टै जोन संचालनमा ल्याएको हो ।

यो अभियान अन्तर्गत पहिलो जोनका रुपमा चीतवनको नारायणघाटस्थित नारायणघाट अटो सेन्टरले टाटा योद्धा जोन र अर्को एसबी अटो वर्कशपले टाटा एस जोनका रुपमा सेवा प्रारम्भ गरेका छन् । दुबै जोनको उद्घाटन टाटा मोटर्सबाट आएका नेपाल र भुटान हेर्ने प्रतिनिधी मनिस कुमारले गरेका हुन् । यी जोनबाट सम्वन्धित पिकअपको जेन्युइन पार्टस मात्र कारोबार हुने हुँदा ग्राहकलाई सेवा लिन सहज हुने बिश्वास लिइएको छ ।

आगामी दिनमा देशका अन्य स्थानमा समेत यस प्रकारको जोन संचालन गर्दै जाने कम्पनी स्रोतले बताएको छ । जेन्युइन स्पेयर पार्टसको प्रबद्र्धनमा रचनात्मक अभियान संचालन गर्दै आएको सिप्रद्धी अटो पार्टसले बिगत लामो समयदेखी च्याम्पियन जोन र टाटा गुरु अभियान समेत चलाउँदै आइरहेको छ । यो अभियानबाट ग्राहक, मेकानिक्स, बिक्रेता र कम्पनी सबै पक्षलाई फाइदा पुग्ने गरेको उसको भनाई छ ।