चितवनमा अब शारडा ग्रुप र गोल्छा अर्गनाइजेसनको डीसी फास्ट चार्जिङ स्टेसन

दिगो भविष्यको लागि वातानुकुलित यातायात प्रविधि विस्तार गर्न शारडा ग्रुप र गोल्छा अर्गनाइजेसनले कुरिन्टारमा डीसी फास्ट चार्जिङ नेटवर्कको उदघाटन गरेको छ ।

काठमाडौं – नेपाली बजारमा निसान, ओमोडा एन्ड जेइको, जिकर, लिपमोटर, सिट्रोन र पुज्यो गाडीको वितरक रहेको शारडा ग्रुप र गोल्छा अर्गनाइजेसनले चितवन चुम्लिङटारस्थित सिद्धार्थ रिभरसाइड रिसोर्टमा डीसी फास्ट चार्जिङ स्टेसन नेटवर्कको औपचारिक उदघाटन कार्यक्रम सम्पन्न गरेको छ ।

सो परियोजनाले यी ब्रान्डका ग्राहक तथा चालकहरूलाई दिगो र वातानुकुलित प्रविधिमा र सुविधाजनक यात्रा अनुभव प्रदान गर्ने कम्पनीको भनाइ छ ।

शारडा ग्रुपका आफ्टर–सेल्स महाप्रबन्धक कृष्ण प्रसाद पोखरेल र सिद्धार्थ हस्पिटालिटीका महाप्रबन्धक किरण रिमालद्वारा औपचारिक रूपमा चार्जिङ स्टेसनको उदघाटन गरिएको हो । गत बिहीबार सम्पन्न उदघाटन कार्यक्रममा शून्य कार्वन उत्सर्जनको लक्ष्य हासिल गर्न र नेपालमा दिगो यातायात प्रविधिको प्रयोग प्रवर्द्धनको गर्न पूर्वाधार विकासको भूमिका र महत्वलाई जोड दिइएको थियो । रिबन कटाई तथा ग्राहकहरुका लागि दिगो यातायात प्रविधिको भविष्य विषयक छलफल कार्यक्रम सहित कार्यक्रमको समापन भएको थियो ।

सो नयाँ चार्जिङ स्टेसनले दिगो प्रविधिमा आरामदायी यात्रा गर्न चाहने आधुनिक ग्राहकहरूको लागि डीसी फास्ट चार्जिङ सुविधा प्रदान गर्दछ । यस परियोजनाले कार्वन–उत्सर्जन न्यूनीकरण गर्दै झन्झटमुक्त यात्राको लागि राजमार्गलाई सुविधा र पूर्वाधारयुक्त बनाउँदछ । हाल कम्पनीका देशभर १६ भन्दा बढी फास्ट–चार्जिङ नेटवर्क सञ्चालनमा रहेका छन् ।

उपभोक्तामाझ विद्युतीय सवारीसाधनको बढ्दो लोकप्रियता र प्रयोगसँगै पहुँचयोग्य र भरपर्दो चार्जिङ पूर्वाधारको आवश्यकता पनि बढेको छ । अहिले देशभर पोखरा, नारायणघाट, नेपालगञ्ज, बुटवल, विराटनगर, वीरगञ्ज, विर्तामोड, र बर्दिबासका स्थानहरूमा चार्जिङ पूर्वाधारहरू सञ्चालनमा रहेका छन् भने अब कुरिनटारमा पनि चार्जिङ स्टेसन निर्माण सुरू भएको छ ।

शारडा ग्रुप र गोल्छा अर्गनाइजेसनको विद्युतीय सवारीको प्रयोग र प्रवर्द्धनलाई प्रोत्साहित गर्ने साझा लक्ष्यमा आधारित यो परियोजना नेपालको दिगो भविष्यको लागि एक अपरिहार्य उपलब्धि भएको कम्पनीले बताएको छ ।

यो सुरुवातसँगै, शारडा ग्रुप र गोल्छा अर्गनाइजेसनले देशका प्रमुख राजमार्ग तथा स्थानहरूमा थप चार्जिङ स्टेसन स्थापना गरी ईभी प्रयोगकर्ताहरूलाई निर्धक्क रूपमा देशभर यात्रा गर्न सजिलो बनाउने लक्ष्य राखेको बताइएको छ ।